Вы тут

Як змагацца з глабальным пацяпленнем


Эксперты ўпэўнены, атамная энергетыка — найбольш падыходзячая сёння крыніца атрымання энергіі.


Праблема глабальнага пацяплення кардынальна зменіць воблік Зямлі, створыць пагрозу для выжывання многім відам флоры і фаўны і адаб’ецца на жыцці чалавека. Гэтыя і іншыя экалагічныя пытанні сучаснасці абмяркоўваліся падчас кіна-talk “Ты заўважыў, як мяняецца планета?”, які адбыўся ў межах 19-й Міжнароднай навуковай канферэнцыі “Сахараўскія чытанні 2019 года: экалагічныя праблемы XXI стагоддзя”, якая днямі адбылася ў сталіцы.

Парніковы эфект, як мяркуюць вучоныя, стварае не толькі чалавек, але і само жыццё на планеце, якое мае цыклічнасць у выглядзе глабальных пацяпленняў і пахаладанняў. Чалавек толькі дадае свой унёсак у гэты натуральны працэс, і вызначыць памеры такога ўплыву немагчыма. Прынята лічыць, што спыніць змяненне клімату, ці хаця б паменшыць яго наступствы можна выкарыстоўваючы аднаўляльныя віды энергіі: сонца, ветра і вады.

Тым не менш, усё больш краін схіляецца да таго, што атамная энергетыка — найбольш падыходзячая сёння крыніца атрымання энергіі. На думку экспертаў, атамная генерацыя неўзабаве можа стаць як “зялёнай” бесперабойнай крыніцай энергіі, так і сапраўднымі лёгкімі для планеты. Згодна з дадзенымі МАГАТЭ, у перыяд 1970-2015 гадоў атамная энергетыка прадухіліла выкід 68 мільярдаў тон вугляроду ў паветра. Магутнасці атамных электрастанцый, якіх сёння дзейнічае больш як 230, дазваляюць пазбягаць 2,1 млрд тон выкідаў вугляроду штогод.

Зараз у свеце будуецца 37 атамных станцый, і ўсе экалагічныя моманты ўлічаны пры будаўніцтве, — заўважыў эколаг, Ахмед ДЭМІРАК, парфесар Універсітэта г. Мугла (Турцыя). — Праблему забруджвання навакольнага асяроддзя вырашыць досыць проста — дастаткова кантраляваць свае жаданні спажыўца.

Эксперты ўпэўнены, што рызыка ад дзеяння сучасных АЭС нашмат менш, чым карысць ад энергіі, што атрымоўваецца з іх дапамогай. Іншая справа — адпрацаванае паліва. Менавіта над праблемай яго захавання і перапрацоўкі трэба думаць найперш. Пакуль вырашыць гэтую задачу чалавеку не па сілах, можна толькі памяншаць аб’ёмы адходаў, напрыклад праз тэхналогію ацвярджэння адпрацаванага ядзернага паліва. Аднак ужо зараз яго выкарыстоўваюць ў многіх галінах.

— Дзякуючы гама-выпраменьванням можна даследаваць якасць метала, а ізатопы — выкарыстоўваць як кардыястымулятары, — расказаў Алег МУРАТАЎ, прафесар, член грамадскага савету Дзяржкарпарацыі “Расатам”, член Акадэміі навук экалогіі, бяспекі чалавека і прыроды (Санкт-Пецярбург, Расія). — Варта памятаць, што праблема радыёактыўных адходаў узнікла не з развіцця ядзернай энергетыкі, а была заўжды. Прыродныя выкапні таксама забруджаны радыенуклідамі.

Акрамя экалагічных дыскусій паміж экспертамі-эколагамі з Расіі, Турцыі, Беларусі і Польшчы і студэнтаў чатырох вядучых ВНУ, удзельнікі кіна-talk прагледзелі два дакументальныя фільмы з цыкла “Wild Edens”, які створаны Дзяржкарпарацыяй “Расатам”. Як кажуць аўтары стужак, задача фільмаў — паказаць спрадвечную прыгажосць Зямлі, якую мы можам назаўжды згубіць праз наступствы змянення клімату, калі чалавецтва не паменшыць аб’ёмы спажывання вугляроднай энергетыкі і не пачне выкарыстоўваць безвугляродную крыніцу — атамную энергетыку. “Энергія ветра, сонца, вады і атама даюць нам надзею на захаванне Планеты для нашчадкаў”.

Ірына СІДАРОК

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.