Вы тут

Агульны конкурс у Ліцэй БДУ склаў 6,6 чалавека на месца


Як паведамілі у прэс-службе Беларускага дзяржаўнага ўніверсітэта, гэты паказчык адпавядае мінулагодняму. Усяго ў бягучым годзе ў ліцэй было пададзена 1520 заяў ад ахвотных тут навучацца. Найбольшая колькасць дакументаў прынятая ў біялагічны клас — 330. Конкурс на біялагічны профіль склаў 9,4 чалавека на месца.


На паступленне ў матэматычныя класы прэтэндавалі 277 абітурыентаў (конкурс — 7,9 чалавека на месца), у фізічныя — 237 (конкурс — 6,1), інфарматыка-матэматычны — 167, хімічны — 119, гісторыка-грамадазнаўчы — 97 і філалагічны — 78 .

У гэтым годзе ў Ліцэі БДУ ўпершыню праводзіўся набор па двух новых профілях навучання ў гуманітарных класах. Першы арыентаваны на вывучэнне грамадазнаўства і англійскай мовы, другі —  на гісторыю Беларусі і англійскую мову. У гэтыя класы пададзена 159 і 59 заяў адпаведна.

З агульнай колькасці абітурыентаў 40 чалавек былі залічаны без экзаменаў: яны з’яляюцца пераможцамі заключнага этапу рэспубліканскай алімпіяды (дыпломы I, II або III ступені) па фізіцы, матэматыцы, інфарматыцы, хіміі, біялогіі, гісторыі, грамадазнаўстве, рускай мове і літаратуры, беларускай мове і літаратуры, англійскай мове.

Залічэнне ў 10-я ліцэйскія  класы  адбываецца па выніках двух пісьмовых уступных выпрабаванняў. Пры паступленнi на біялагічны профіль у гэтым годзе неабходна было набраць 126 балаў, філалагічны — 125, гісторыка-грамадазнаўчы — 124, матэматычны — 104, хімічны — 96, фізічны  —  90, інфарматыка-матэматычны — 80.

Усяго ў гэтым годзе ў Ліцэй БДУ ў 10 класы будуць прынятыя 264 навучэнцы, з іх сфарміруюць 12 класаў па 22 чалавекі. Сярод будучых ліцэістаў —  жыхароў сталіцы 73%  ад агульнай колькасці і 27%  прадстаўнікоў  з усіх рэгіёнаў.

Між іншым, у 2020/2021 навучальным годзе ў Ліцэі БДУ адкрыецца яшчэ адзін новы профіль навучання — матэматыка з вывучэннем англійскай мовы на павышаным узроўні. Падрыхтавацца да паступлення можна будзе на курсах “Вячэрні Ліцэй”.

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.