Вы тут

А1 выпрабавала мабільны геймінг у тэставай сетцы 5G SA*


У Мінску адбыўся першы кіберспартыўны матч па мабільных гульнях у тэставай сетцы 5G SA. Тры каманды мабільных геймераў выпрабавалі магчымасці і перавагі нядаўна разгорнутай А1 тэставай 5G-сеткі SA (Standalone) у паядынках па мабільных версіях папулярных шматкарыстальніцкіх анлайн-гульняў PlayerUnknown’s Battlegrounds (PUBG), Dota Underlords і Clash Royale.


Тры гульні, якія прымалі ўдзел у тэсціраванні, адносяцца да розных класаў — гэта і анлайн-шутары, і стратэгіі ў рэальным часе, і аўташахматы, таму як мага лепш падыходзяць для дэманстрацыі ўсіх магчымасцяў 5G: наколькі дакладным апынецца стрэл, як хутка зробіць ход праціўнік і, адпаведна, на чыю карысць абярнецца ход усяго бою, вырашаюць долі секунды. Таму і хуткасць перадачы дадзеных, і час водгуку сеткі маюць крытычна важнае значэнне.

У ходзе тэсціравання хуткасць перадачы дадзеных склала 1,2 Гбіт/с, а час водгуку сеткі (ping) — 10 мілісекунд.

Для тэсціравання магчымасцяў мабільнага геймінгу ў сетках пятага пакалення выкарыстоўваліся смартфоны Huawei P40 Pro — флагманскія прылады брэнда на базе высокапрадукцыйнага працэсара Kirin 990 з падтрымкай 5G SA.

«Сёння мабільны геймінг па тэмпах росту абагняе ўсе астатнія сегменты — і традыцыйных гульняў для ПК, і кансольны. Выбуховы рост сегменту мабільнага геймінгу  надало развіццё мабільных гульняў, а ўкараненне сувязі пятага пакалення  дазваляе гульнявой індустрыі выйсці на недаступны раней узровень і прапанаваць карыстальнікам прынцыпова новыя магчымасці — напрыклад, такія, як актыўнае выкарыстанне тэхналогій віртуальнай і дапоўненай рэальнасці, воблачны геймінг і іншыя. Першы крок да гэтага сёння зроблены і ў нашай краіне на базе тэставай 5G-сеткі А1», — адзначыў намеснік генеральнага дырэктара кампаніі А1 па лічбавых платформах і кантэнце Антон Бладзік.

Тэставая 5G-сетка А1 створаная на базе аўтаномнай архітэктуры — SA (Standalone). У адрозненне ад сетак з неаўтаномнай архітэктурай (NSA, Non-Standalone), «чыстыя» 5G-сеткі разгортваюцца без прывязкі да  інфраструктуры сетак 4G/LTE. Такі падыход патрабуе ад аператара больш значных часавых і фінансавых выдаткаў на пачатковым этапе, аднак дазваляе адразу забяспечыць абанентаў паўнавартаснай 5G-сувяззю з падтрымкай усіх ключавых пераваг дадзенага стандарту — у прыватнасці, звышвысокахуткаснай перадачай дадзеных з мінімальнай затрымкай.

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.