Вы тут

У сталіцы ўстанавілі скульптуру работы ўраджэнца Віцебска Восіпа Цадкіна


У сталіцы ўстанавілі скульптуру работы ўраджэнца Віцебска Восіпа Цадкіна.


У першы чацвер чэрвеня ў сталіцы ў новым скверы па вуліцы Прытыцкага, 60/2 адбудзецца ўрачыстая прэзентацыя скульптуры аднаго з найбуйнейшых прадстаўнікоў авангарднага мастацтва ХХ стагоддзя, ураджэнца Віцебска Восіпа Цадкіна. Манументальная бронзавая работа «Навігатар» ужо ўстаноўлена ў Парыжы каля выхада з Моста інвалідаў. Такім чынам, Мінск стаў другой еўрапейскай сталіцай, якая будзе ўпрыгожана скульптурай вялікага майстра.

Восіп Цадкін — адзін з яркіх прадстаўнікоў Парыжскай школы, ураджэнцаў Беларусі. Выбітны скульптар ХХ стагоддзя нарадзіўся 28 студзеня (9 лютага) 1888 года ў Віцебску. Творы Цадкіна прадстаўлены ў вядомых музейных і прыватных сходах розных краін свету. Па ініцыятыве аднаго камерцыйнага банка краіны работу Цадкіна было вырашана ўстанавіць у скверы каля галоўнага офіса Белгазпрамбанка.

— Гэта па-сапраўднаму знакавая падзея для нашай краіны, — падкрэсліў старшыня праўлення Белгазпрамбанка Віктар Бабарыка. — Бо праект «Арт-Беларусь» першапачаткова задумваўся намі як наглядная ілюстрацыя ўкладу ўраджэнцаў нашай краіны ў агульнасусветнае мастацтва. На працягу ўжо многіх гадоў Белгазпрамбанк займаецца вяртаннем культурных каштоўнасцяў у Беларусь, і нам вельмі прыемна падзяліцца гэтай выдатнай работай Цадкіна з Мінскам і мінчанамі. Мы хацелі не проста ўстанавіць скульптуру, але стварыць новую культурную прастору, якая вартая сталіцы еўрапейскай дзяржавы.

«Навігатар» — манументальная скульптура Восіпа Цадкіна. Першапачаткова створана з дрэва ў 1937 годзе. У цэнтры кампазіцыі — чалавек, у руках якога карабель — адзін з галоўных сімвалаў твора, адсылка да радзімы аўтара, да фамільнай справы яго сям'і — суднабудавання. У 1993 годзе гэтая ж статуя, але ўжо адлітая ў бронзе, была ўсталяваная ў 7-й акрузе Парыжа каля выхада з Моста інвалідаў. Белгазпрамбанк набыў адзін з асобнікаў «Навігатара» на нью-ёркскіх таргах аўкцыённага дома «Сhrіstіе's», каб устанавіць яго каля будынка свайго галаўнога офіса.

Сяргей КУРКАЧ

Загаловак у газеце: «Навігатар» для Мінска

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.