Вы тут

Учора прайшло сумеснае пасяджэнне Палаты прадстаўнікоў і Савета Рэспублікі Нацыянальнага сходу Беларусі


Дарожны збор, Саюзная дзяржава, вытворчасціУ тым ліку і гэтыя пытанні закранулі ўчора ў Палаце прадстаўнікоў, дзе прайшло сумеснае пасяджэнне Палаты прадстаўнікоў і Савета Рэспублікі Нацыянальнага сходу Беларусі.


Перад парламентарыямі з дакладам на тэму «Эфектыўнае дзяржаўнае кіраванне лесагаспадарчай дзейнасцю як частка эканамічнай бяспекі дзяржавы» выступіў намеснік прэм'ер-міністра Уладзімір Дворнік. Пры гэтым лес стаў не адзінай тэмай мерапрыемства.

Так, падчас пасяджэння члены ўрада адказалі на пытанні парламентарыяў, а яшчэ да яго пачатку — на пытанні журналістаў. Тэзісна расказваем пра найбольш важнае.

Намеснік міністра фінансаў Дзмітрый Кійко паведаміў журналістам, што прапанова яго ведамства аб раздзеле тэхагляду і дзяржпошліны на допуск да дарожнага руху не знайшла падтрымкі ў вышэйшай інстанцыі. «Цяпер мы працуем над альтэрнатыўнымі варыянтамі, у тым ліку прапрацоўваем пытанне магчымага ўключэння дзяржаўнай пошліны ў кошт аўтамабільнага паліва», — сказаў ён. Такім чынам, пытанне адкрытае. Магчыма, цяперашняя сітуацыя са спагнаннем дарожнага збору зменіцца з 1 студзеня 2020 года.

Таксама намеснік міністра фінансаў адзначыў, што зараз ідзе работа над удакладненнем праграмы рэалізацыі Дагавора аб Саюзнай дзяржаве. Ён дадаў, што пытанне аб кампенсацыі страт Беларусі ад падатковага манеўру ў Расіі пакуль выстаўлена на паўзу.

Ужо на самім пасяджэнні, адказваючы на пытанне дэпутата, міністр прыродных рэсурсаў і аховы навакольнага асяроддзя Андрэй Худык выказаўся наконт стварэння новых вытворчасцяў. Ён адзначыў, што ёсць рэзанансныя інвестпраекты, аднак Міністэрства прыродных рэсурсаў і аховы навакольнага асяроддзя праводзіць па ўсіх дзяржаўную экалагічную экспертызу, даводзіць кожны праект да захавання ўсіх нормаў прыродаахоўнага заканадаўства.

Міністр расказаў, што ў найбліжэйшы час яго ведамства выйдзе з прапановамі ва ўрад і зробіць кантроль за стварэннем і ўводам новых вытворчасцяў больш жорсткім.

Таксама на пасяджэнні закраналіся такія тэмы, як арганічная сельская гаспадарка, праграма замены ліфтаў (дарэчы, да 2021 года неабходна замяніць больш чым 11 тысяч ліфтаў па краіне) і прыватызацыя службовага жылля работнікамі ЖКГ.

Уладзіслаў ЛУКАШЭВІЧ

Фота БелТА

Выбар рэдакцыі

Грамадства

Як уцягнуць у абарачэнне землі, вызваленыя з-пад інвазійных раслін?

Як уцягнуць у абарачэнне землі, вызваленыя з-пад інвазійных раслін?

Гэта паказалі на прыкладзе Мінскага і Валожынскага раёнаў.

Грамадства

Мужчыны расказваюць пра сваё жыццё ў дэкрэце

Мужчыны расказваюць пра сваё жыццё ў дэкрэце

На сямейным фестывалі «ТатаPro» таты, якія вырашылі пайсці ў дэкрэтны адпачынак або раздзяліць яго з жонкай, падзяліліся сваімі гісторыямі і расказалі пра тонкасці дэкрэта.

Грамадства

​Як беларускія вучоныя ствараюць умовы для спартыўных перамог

​Як беларускія вучоныя ствараюць умовы для спартыўных перамог

Спартыўныя дасягненні чалавека прыблізна на 75 % залежаць ад яго генетыкі.