Вы тут

Свята плюшавага мядзведзя прайшло ў сталічным заапарку


Трыстан і Нюра — жыхары сталічнага заапарка — пэўна, яшчэ ніколі не віталі столькі гасцей запар. 1 чэрвеня, у Міжнародны дзень абароны дзяцей, да іх прыйшлі сотні малых са сваімі цацачнымі сябрамі памерам ад далоні да двухгадовага немаўляці.


Чэргамі з бацькоў і падлеткаў да 14 гадоў, якія маглі бясплатна трапіць у заапарк дзякуючы плюшаваму мядзведзіку, можна было “абгарнуць” увесь перыметр сталічнага жылля для звяроў. Такога натоўпу, здаецца, не чакалі нават самі супрацоўнікі. Імправізаваная “паркоўка” для самакатаў, з якімі на тэрыторыю не пускалі, была перапоўнена. Перад экзатарыумам стварылася свая паркоўка з дзіцячых вазкоў, а ўнутры памяшканняў тэрарыума і экзатарыума перасоўвацца можна было толькі ланцужком.

Пабачыць, як кормяць сталічных мядзведзяў, сабаралася столькі народу, што клетак было не відаць, не тое што іх жыхароў. Трыстану прынеслі цэлы цабэрак яблыкаў, морквы і гуркоў, якія ён тут ж раскідаў па падлозе і пасля са смакам схрумскаў. Нюра ж, зусім як дзяўчынка, акуратна мыла ежу ў ванне і ласавалася галінкамі з маладзенькім лісцем.

Неўзабаве мядзведзі, паабедаўшы, сышлі адпачываць, а дзеці пабеглі шукаць, каго б яшчэ пакарміць і пагладзіць. Таму навокал шпацыравалі натоўпы. Тут былі забаўкі, танцы ды гульні з аніматарамі-клоунамі Ірыскай і Лулай. Здымкі і абдымкі з мядзведзем Балу і вялізным трохмятровым белым мядзведзем. Аквагрым з малюнкамі на любы густ, конкурсы, дэгустацыя марозіва, надзіманыя горкі, плаванне на каноэ, катанне на конях…

Напрыканцы свята дзеці пакінулі свае ўражанні ў малюнках на асфальце.

Ірына СІДАРОК

Фота аўтара

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.