Кнігі класіка беларускай літаратуры займаюць пяць пазіцый сярод 45 кніг у рэйтынгу продажаў у кнігарнях “Белкнігі”, якіх па краіне працуе больш чым 100
Цікавыя высновы можна рабіць, грунтуючыся на тым, якія кнігі ў пэўны час у краіне найбольш купляюцца. У нас ёсць магчымасць аналізаваць рэйтынгі кніг, што найболей актыўна прадаваліся ў Беларусі са студзеня па сакавік 2018-га.
Усё лепшае — дзецям! І гэта пра нас, бо не шкадуем грошай на тое, каб іх парадаваць добраю кніжкай. Таму, напэўна, у рэйтынгу на першым месцы — “Дзіцячы атлас Беларусі”: яго набылі 188 пакупнікоў.
Уладзімір Караткевіч з “Дзікім паляваннем караля Стаха” — на пятым месцы: прададзена 76 асобнікаў. На шостым месцы — ізноў гэты ж аўтар з кнігай “Чорны замак Альшанскі”: прададзены 71 асобнік. Абедзве кнігі, дарэчы, выйшлі ў выдавецтве “Попурри”.
Што цікава: і на 13-м месцы — “Дзікае паляванне караля Стаха”, але з выдавецтва “Беларусь”: рэалізавана 44 асобнікі. На 14-м месцы — 17-ы том са Збору твораў Уладзіміра Караткевіча, які цяпер выдае “Мастацкая літаратура”: прададзена 43 асобнікі.
Яшчэ адна кніга класіка была на 18-м месцы — “Хрыстос прызямліўся ў Гародні”, прададзена 37 асобнікаў. Гэтае выданне рамана — таксама ад “Попурри”.
Кастусь Ладуцька
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.