Аб гэтым заявіў Прэзідэнт на сустрэчы з генеральным дырэктарам Сусветнай арганізацыі інтэлектуальнай уласнасці Фрэнсісам Гары. Дарэчы, у склад дэлегацыі арганізацыі таксама ўваходзіць дырэктар дэпартамента краін з пераходнай і развітой эканомікай Міхал Швантнэр.
«Я магу называць вас старым сябрам, таму што з часу стварэння Сусветнай арганізацыі інтэлектуальнай уласнасці мы стаялі каля яе вытокаў, і адразу ж далучыліся да яе. У нас ужо вялікая гісторыя супрацоўніцтва», — адзначыў кіраўнік дзяржавы.
«Мы сустракаліся з вашымі папярэднікамі, і я даволі глыбока пагружаны ў праблемы Сусветнай арганізацыі інтэлектуальнай уласнасці і нашай нацыянальнай арганізацыі (Нацыянальнага цэнтра інтэлектуальнай уласнасці —» «Звязда»)», — дадаў Аляксандр Лукашэнка.
Таксама Прэзідэнт распавёў, што падчас візіту будзе падпісаны Мемарандум аб супрацоўніцтве паміж беларускім урадам і гэтай арганізацыяй. У ім будуць вызначаны і замацаваны ўжо дасягнутыя асноўныя моманты сумеснай дзейнасці.
«Вы заўсёды можаце разлічваць на Беларусь, — падкрэсліў кіраўнік дзяржавы. — Нягледзячы на тое, што мы даўно з’яўляемся членамі Сусветнай арганізацыі, супрацоўнічаем з ёй, тым не менш, павінен прызнаць, што мы занадта маладая краіна, якая шчыльна пачала займацца абаронай правоў уласнасці, і нам шмат чаму трэба вучыцца. Вы нам у гэтым дачыненні дапамагаеце».
На думку беларускага лідара, гэта сапраўды вялікая дапамога, асабліва ў плане адукацыйных праграм, падтрымкі беларускіх спецыялістаў. Аляксандр Лукашэнка падзякаваў суразмоўцу за гэта.
Ён таксама звярнуў увагу, што вывучыўшы інфармацыю пра Сусветную арганізацыію нацыянальнай уласнасці і пра самога Фрэнсіса Гары, ён са здзіўленнем зразумеў, што генеральны дырэктар — гэта адзін з нешматлікіх чыноўнікаў міжнароднага ўзроўню, які так шчыра і сумленна пагружаны ў эфектыўнасць працы арганізацыі.
«Вось у гэтым плане ваша дзейнасць заслугоўвае ўсялякага адабрэння, заахвочвання і павагі. І ў сувязі з гэтым мы яшчэ больш намаганняў прыкладзем для таго, каб у нас была ў парадку нарматыўна-прававая база абароны правоў уласнасці, а таксама — калі гэта трэба — мы пастараемся ўнесці дастойны ўклад і ў распрацоўку міжнародных праектаў, пагадненняў, дагавораў па развіцці ў гэтай частцы па ўсёй планеце», — дадаў ён.
Таксама беларускі лідар звярнуў увагу, што Фрэнсіс Гары ўпершыню апынуўся ў Мінску, і выказаў надзею, што гэта будзе не апошні візіт у сталіцу Беларусі.
У адказ Фрэнсіс Гары адзначыў, што для яго гэтая сустрэча — вялікі гонар і радасць. Ён звярнуў увагу, што Мінск — чыстая сталіца і вельмі прыгожы горад. Генеральны дырэктар падзякаваў за ўсю падтрымку яго арганізацыі з боку Беларусі.
Нагадаем, у рамках свайго візіту ў Фрэнсіса Гары запланаваны сустрэчы з кіраўніцтвам Акадэміі кіравання пры Прэзідэнце Беларусі і адміністрацыі Парку высокіх тэхналогій, а таксама з прэм’ер-міністрам Сяргеем Румасам і міністрам замежных спраў Уладзімірам Макеем. Яшчэ запланавана падпісанне Мемарандума аб узаемаразуменні паміж урадам Беларусі і Сусветнай арганізацыяй інтэлектуальнай уласнасці, які можа пакласці пачатак новаму этапу ва ўзаемадзеянні рэспублікі з гэтай арганізацыяй.
Даведка
Сусветная арганізацыя інтэлектуальнай уласнасці (САІУ) — міжнародная арганізацыя, якая ажыццяўляе каардынацыю міжнароднага супрацоўніцтва ў сферы інтэлектуальнай уласнасці. Штаб-кватэра САІУ знаходзіцца ў Жэнэве, Швейцарыя.
У 1974 годзе ўключана ў сістэму Арганізацыі Аб’яднаных Нацый (у якасці спецыялізаванай установы, якая фінансуецца самастойна). Членамі САІУ з’яўляюцца 192 дзяржавы. Больш за 420 арганізацый маюць статус назіральніка на пасяджэннях САІУ.
Вышэйшымі кіраўнічымі органамі САІУ з’яўляюцца Генеральная Асамблея і Каардынацыйны камітэт. Для вырашэння практычных задач дзейнічаюць спецыяльныя камітэты і рабочыя групы.
Сакратарыятам САІУ з’яўляецца Міжнароднае бюро, якое ўзначальвае Генеральны дырэктар. З 1 кастрычніка 2008 года гэты пост займае Фрэнсіс Гары (пераабраны на другі тэрмін у маі 2014 г). Акрамя таго, функцыянуюць 5 знешніх бюро (у Бразіліі, КНР, Японіі, Расіі і Сінгапуры).
Асноўныя мэты САІУ — садзейнічанне ахове правоў на аб’екты інтэлектуальнай уласнасці пры дапамозе супрацоўніцтва дзяржаў, ажыццяўленне адміністрацыйных функцый у рамках международных пагадненняў у сферы інтэлектуальнай уласнасці.
Пра ўдзел нашай краіны
Як было сказана, Беларусь з’яўляецца членам Сусветнай арганізацыі інтэлектуальнай уласнасці з даты яе заснавання. Арганізацыя аказвае нам значную дапамогу ў развіцці нацыянальнай сістэмы інтэлектуальнай уласнасці.
Мы працуем па наступных напрамках: удасканаленне заканадаўства Беларусі ў адпаведнасці з міжнароднымі стандартамі, развіццё нацыянальнай інфраструктуры, укараненне новых інфармацыйных тэхналогій і навучанне спецыялістаў.
Акрамя таго, 10 кастрычніка 2016 года было падпісана Пагадненне паміж Нацыянальным цэнтрам інтэлектуальнай уласнасці (НЦІУ) і Сусветнай арганізацыяй інтэлектуальнай уласнасці аб стварэнні ў нашай краіне Цэнтраў падтрымкі тэхналогій і інавацый. Першы быў створаны ў 2017 у Рэспубліканскай навукова-Якорьтэхнічнай бібліятэцы, другі плануецца адкрыць у НЦІУ.
Навошта патрэбныя такія цэнтры? Яны прадастаўляюць доступ да актуальнай сусветнай патэнтнай, тэхнічнай і іншай інфармацыі, спрыяюць камерцыялізацыі аб’ектаў інтэлектуальнай уласнасці.
Паводле яго слоў, наша краіна з’яўляецца вельмі важным і актыўным членам гэтай арганізацыі. «Мы цэнім ўсю інфармацыю, якой дзеліцца Рэспубліка Беларусь, увесь вопыт, які назапашаны ў вашай краіне, асабліва ў галіне навукі і тэхналогій», — адзначыў генеральны дырэктар.
Фрэнсіс Гары таксама дадаў, што ўсе мы жывем у даволі неспакойным свеце, таму яго арганізацыі асабліва важна мець такіх надзейных паплечнікаў, як Беларусь, якія заўсёды гатовы да канструктыўнага супрацоўніцтва.
На сустрэчы з кіраўніком дзяржавы Фрэнсіс Гары адзначыў, што ў Беларусі ёсць чаму павучыцца ў галіне навукі і тэхналогій, ІТ. Акрамя таго, арганізацыя разглядае Мінск у якасці пляцоўкі для правядзення сваіх мерапрыемстваў, у тым ліку канферэнцый у гэтай сферы.
«Справа ў тым, што сёння ў свеце можна назіраць канкурэнцыю, якая расце, асабліва ў галіне навукі і тэхналогій. Гэтая сфера — краевугольны камень прагрэсу для чалавецтва. І ва ўмовах гэтага росту канкурэнцыі вельмі важна развіваць палітыку шматпалярнасці. Беларусь валодае ў першую чаргу выбітнымі кадравымі рэсурсамі, якія дазваляюць развіваць навуку і тэхналогіі. Акрамя таго, Беларусь прасоўвае падыход шматпалярнасці, асабліва, калі гаворка заходзіць пра такія складаныя пытанні, як штучны інтэлект, робататэхніка, буйныя масівы дадзеных. Тут патрабуецца міжнароднае абмеркаванне, дыскусіі на раўнапраўнай аснове», — сказаў журналістам Фрэнсіс Гары.
Уладзіслаў ЛУКАШЭВІЧ
Фота БЕЛТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
