Вы тут

У Калумбіі жонка правезла нявернага мужа голым па горадзе


Адказ на ліст у бутэльцы прыйшоў праз 45 гадоў

Жанчына з амерыканскага штата Мічыган нечакана атрымала адказ на ліст, які адправіла
ў бутэльцы 45 гадоў таму, піша партал UPІ.

Калі Ціне Грын-Агілеры было 11 гадоў, яна ездзіла ў госці да бабулі і дзядулі ў невялікі гарадок Олд Мішэн. У канцы канікул дзяўчынка вырашыла напісаць ліст, паклала яго ў шкляную бутэльку і выкінула ў возера Мічыган 29 жніўня 1974 года. Хутка яна і думаць забылася пра пасланне.

Грын-Агілера ўспомніла пра ліст з дзяцінства толькі нядаўна, калі незнаёмец напісаў ёй на Facebook пра знаходку. Мужчына па імені Эрык Амон знайшоў ліст Ціны за некалькі метраў ад маяка, калі займаўся будаўнічымі работамі. Бутэлька была закапаная ў зямлю. Паводле слоў жанчыны, гэтая навіна прыемна здзівіла яе і прымусіла згадаць пра канікулы з роднымі. Амон адправіў знаходку па пошце, а неўзабаве плануецца сустрэча абодвух удзельнікаў гэтай гісторыі, каб запісаць пра яе сумесны відэасюжэт. «Такое адчуванне, што я ведаю яго ўсё жыццё. Мы сталі прыяцелямі», — адзначае Грын-Агілера.


Жонка правезла нявернага мужа голым па горадзе

Жыхарка калумбійскага горада Баранкілья злавіла свайго мужа на шлюбнай здрадзе, калі той размясціўся з каханкай у адным з прыгарадных матэляў, паведамляе партал topnews.ru.

Сеньёра Варгас пагадзілася прабачыць мужа Хайра і захаваць шлюб, аднак толькі ў тым выпадку, калі той распранецца дагала, ляжа на дах яе аўто і дазволіць правезці сябе ў такім выглядзе па горадзе. Муж пагадзіўся ўзяць удзел у гэтым ганебным пакаранні, каб толькі захаваць сям'ю.

Машына з голым Хайра Варгасам праехалася па цэнтральных вуліцах Баранкільі. Убачыўшы гэта відовішча, іншыя кіроўцы спыняліся, а мінакі выкрыквалі насмешкі і здымалі відэа, што справакавала пробку. На знятых кадрах бачна, што мужчына стукаў у вадзіцельскае акенца, час ад часу праціраў ветравое шкло і хаваў галаву ад цікаўных пад ручніком.

Расплата за здраду не прымусіла сябе чакаць: спачатку інтэрнэт запаланілі ролікі з няшчасным, а потым яго арыштавала паліцыя за непрыстойныя паводзіны і парушэнне грамадскага парадку. Мужчына ўжо атрымаў павестку ў суд.


Прыбіральшчык разбагацеў, але не кінуў работу

У Канадзе прыбіральшчык сарваў у латарэі джэк-пот памерам некалькі мільёнаў канадскіх долараў, але адмовіўся кінуць работу, паведамляе партал CNN.

Віта Халасан, які прыехаў у Канаду з Філіпін, прызнаўся, што набыў латарэйны білет праз некалькі дзён пасля святкавання 58-га дня нараджэння. Калі ён зразумеў, што ўсе шэсць лічбаў супалі з выйгрышнай камбінацыяй, то не мог паверыць уласным вачам.

Мужчына патэлефанаваў дачцэ і папрасіў яе прыехаць. «Ён пасадзіў мяне за стол, а потым вельмі ціха прашаптаў, што, здаецца, выйграў сем мільёнаў канадскіх долараў», — расказала жанчына журналістам. На выйграныя грошы Халасан плануе забяспечыць будучыню ўсім сваім дзецям і ўнукам — ён збіраецца набыць для сям'і вялікі дом. Пры гэтым мігрант не мае намеру сыходзіць з працы, аднак, магчыма, скароціць колькасць змен.

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.