Вы тут

«Олдтаймер ралі» прайшло ў Мінску


У адзінаццаты раз у сталіцы прайшло «Олдтаймер ралі» — відовішчны фестываль старых аўтамабіляў, які ладзяць упраўленне спорту і турызму Мінгарвыканкама і грамадскае аб’яднанне калекцыянераў і рэстаўратараў рэтра-аўтамабіляў «МашЫна часу».


Да сёлетняга прабегу, у якім суддзі ўлічваюць не толькі час, але перадусім дакладнасць і акуратнасць праходжання маршруту, арганізатары дапусцілі каля 50 старых аўто (выпушчаныя не пазней за 1980 год, але пры гэтым тэхнічна спраўныя, вонкава прывабныя і маючыя пасля тэхагляду дазвол для экспуатацыі на дарогах). А да афіцыйнага старту машыны красаваліся на Кастрычніцкай плошчы Мінска, дзе ўсе ахвотныя маглі зрабіць фота з рэтра-аўтамабілямі і даведацца цікавыя факты з аўтамабільных біяграфій. Для дзяцей дзейнічала спецыяльная пляцоўка з разнастайнымі забавамі, віктарынамі, конкурсамі і міні-гонкай на старых педальных машынках. 

Рэтра-аўтамабілі, дарэчы, прыехалі не толькі з беларускіх гарадоў і мястэчак, але і з рэгіёнаў. Многія машыны не проста рэдкія, а эксклюзіўныя — яны існуюць у адзіным асобніку, як, напрыклад, Fiat 501 1921 (!) года выпуску. Ёсць сярод удзельнікаў і ўсе сем серый аўтамабільнай іконы Амерыкі — Chevrolet Corvette, і легенды савецкага аўтапраму — міліцэйскі ГАЗ-21, першая серыя ГАЗ-24, ГАЗ-М20 («Перамога», да таго ж кабрыялет), ёсць рарытэтны «Цундап Янус», у якога два «твары», а пасажыры сядзяць у машыне спінамі адзін да аднаго, ёсць пенсійнага ўзросту «Бентлі» і «Ягуар», якія па элегантнасці і дагледжанасці дадуць фору многім сучасным аўто...

Пасля гонкі сярод аўтамабіляў адбыўся конкурс элегантнасці, для якога экіпажы аўто — пілот і штурман — падрыхтавалі прэзентацыі ў гістарычных вобразах, касцюмах і традыцыях, адпаведных часу выпуску іхніх «ластавак». Таксама сярод узнагарод, якія арганізатары падрыхтавалі для ўдзельнікаў «Олдтаймер ралі Мінск 2019» — званні «Міс Олдтаймер ралі» і «Містэр Олдтаймер ралі», «Легенда аўтапрама (ЗША, Еўропы, СССР)», «Самы малады экіпаж» і «Самы старэйшы экіпаж», прыз глядацкіх сімпатый, прыз за самае багатае гістарычнае мінулае, прэстыжная міднародная ўзнагарода The best of show і іншыя.

Даведка «Звязды»

Першае беларускае «Олдтаймер-ралі» адбылося ў 2008 годзе падчас святкавання Дня горада. Яго ўдзельнікі пераадолелі на рэтра-аўтамабілях маршрут агульнай працягласцю ў 100 кіламетраў.

Вікторыя ЦЕЛЯШУК

Фота Івана ХВІРА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.