Вы тут

Як не атрымаць цеплавы ўдар?


У сувязі з наступленнем спякотнага надвор'я Міністэрства аховы здароўя звяртае ўвагу на небяспеку атрымання цеплавога ўдару. Медыкі рэкамендуюць прытрымлівацца пітнога рэжыму і насіць галаўныя ўборы.


Найбольш да цеплавога ўдару схільныя пажылыя людзі і дзеці. У нованароджаных працэсы тэрмарэгуляцыі развітыя не ў поўнай меры, з узростам яна таксама пагаршаецца. Да групы рызыкі адносяцца і цяжарныя жанчыны.

Асноўнай прычынай цеплавога ўдару з'яўляецца ўздзеянне высокай тэмпературы ва ўмовах высокай вільготнасці. Таксама цеплавы ўдар можа ўзнікнуць з-за нашэння цёплага і сінтэтычнага адзення.

У гарачае надвор'е рэкамендуецца насіць лёгкае адзенне з натуральных тканін (ільну, бавоўны) і піць больш вадкасці. Па магчымасці ўстанавіць дома кандыцыянер. Перад тым, як ужываць лекавыя сродкі, пракансультавацца з урачом. Не пакідаць аўтамабіль на сонцы, калі ж гэта здарылася, не сядзець у гарачай машыне больш за 10 хвілін. Пазбягаць цяжкай фізічнай нагрузкі і сачыць за тым, каб дзеці не гулялі ў гарачае надвор'е пад адкрытым сонцам.

Высокая тэмпература цела (40 градусаў і вышэй) з'яўляецца галоўнай прыкметай цеплавога ўдару. Часта да яе дадаецца смага, адсутнасць потааддзялення, пачашчаныя дыханне і сэрцабіцце, пульсуючы галаўны боль. Са з'яўленнем такіх сімптомаў неабходна неадкладна выклікаць хуткую дапамогу.

Алена КРАВЕЦ

Загаловак у газеце: Асцярожна: спёка!

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.