22 кастрычніка, чацвер

Вы тут

У Японіі прыдумалі марожанае, якое не растае пры спёцы


Цяпер лета — самы час для аднаго з любімых прысмакаў не толькі амаль усіх дзяцей, але і шматлікіх дарослых.


Гаворка пра марожанае, і менавіта ў летнія месяцы попыт на гэты ласунак павышаецца ў разы, што і зразумела. Але не так ужо і шмат задавальнення есці марожанае, якое растае і цячэ па пальцах хутчэй, чым ты яго паспяваеш есці. Японцы запэўніваюць, што знайшлі спосаб уратаваць яго ад спёкі, таму што іх супер-марожанае з Канадзава не растае!

Насамрэч яно, вядома ж, растае — інакш бы яго проста нельга было есці. Так што хоць рэклама сцвярджае, што Канадзава-айс, а менавіта так называецца гэты новы від марожанага, зусім не растае на спякоце, на самай справе яно проста растае куды больш павольна. Там, дзе звычайны пламбір умомант пацёк бы па руках, Канадзава-айс зможа пратрымацца мінімум хвілін пяць, нават калі вы будзеце есці яго пад пякучым сонцам.

Вынайшлі такое марожанае зусім выпадкова. На самай справе ў японскім даследчым цэнтры Bіotherapy Development, дзе адбылося адкрыццё цуда-кампанента, спрабавалі высветліць, што можна зрабіць гэткага з клубніцамі. У прэфектуры Міягі, дзе іх шмат вырошчваюць, паўстала пытанне, як можна больш рацыянальна ўтылізаваць тыя ягады, якія яшчэ цалкам добрыя на смак, але ўжо страцілі свой таварны выгляд або першапачаткова былі не самай роўнай формы. У ходзе эксперыментаў навукоўцы высветлілі, што калі выцяжку з клубніц змяшаць з тлустымі рэчывамі накшталт малочных вяршкоў, то атрыманая сумесь застывае і амаль не растае пры высокіх тэмпературах. «Вінаватыя» ў гэтым поліфенолы — хімічныя злучэнні, якія часта можна знайсці ў раслінах, у прыватнасці, у гарбаце ў выглядзе танінаў. Менавіта гэтыя поліфенолы запавольваюць падзел вады і тлушчу, што, у сваю чаргу, запавольвае раставанне.

Знайсці прымяненне падобнаму адкрыццю аказалася справай няхітрай — марожанае Канадзава-айс, якое празвалі па назве першай крамы, дзе яго пачалі прадаваць, цяпер можна знайсці на ўсёй тэрыторыі, але, пакуль на жаль, толькі Японіі.

Загаловак у газеце: Марожанае, якое не растае

Выбар рэдакцыі

Культура

​Як вывозілі каштоўнасці з музеяў БССР у канцы 1920-х — пачатку 1930-х гг.

​Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі. 

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.

Грамадства

Як правільна суперажываць блізкім? Чаму не працуе звычайнае «Вазьмі сябе ў рукі!»?

Як правільна суперажываць блізкім? Чаму не працуе звычайнае «Вазьмі сябе ў рукі!»?

У падтрымцы звычайна маюць патрэбу ўсе жывыя людзі ў складаныя перыяды жыцця.