Вы тут

Дайджэст навін з падрыхтоўкі да ІІ Еўрапейскіх гульняў


Гасцям ІІ Еўрапейскіх гульняў у дні правядзення мультыспартыўнага форуму прапануюць больш за 70 экскурсійных праграм па Мінску, у тым ліку 20 аўтарскіх, якія былі апрабаваныя падчас «Фэсту экскурсаводаў» у красавіку.


Таксама працягнуцца мерапрыемствы, якія ўжо праходзяць штодня для мінчан і турыстаў. У сталіцы прапануюць пазнавальныя мерапрыемствы: бясплатную пешаходную экскурсію ад гарадской ратушы, экскурсійныя праекты «15:15» і «Чырвоны аўтобус», якія стартуюць ад будынка чыгуначнага вакзала, праекты Open Mіnsk і «Мінск экскурсійны». У горадзе ўжо ўстаноўлена 70 інфастэндаў. Летась інфармацыйна-турыстычны цэнтр «Мінск» сумесна з «Мінгардаведкай» абсталяваў шэсць інфапунктаў, сёлета пры падтрымцы Дырэкцыі ІІ Еўрапейскіх гульняў прадпрыемства арганізуе работу 20 інфапунктаў на асноўных турыстычных магістралях. На іх будуць працаваць валанцёры, якія прапануюць усім ахвотным рэкламныя і інфармацыйныя матэрыялы, бясплатныя турыстычныя карты, дзе пазначаны культурныя і гістарычныя месцы і славутасці горада.

Адзначым, што цяпер турыстычную дзейнасць на тэрыторыі Мінска ажыццяўляюць 736 арганізацый, 356 экскурсаводаў і 147 гідаў-перакладчыкаў.

Гасцінічная сетка горада прадстаўлена 52 гасцініцамі і пяццю хостэламі. Для пражывання кліенцкіх груп вызначана 31 гасцініца на пяць тысяч нумароў, турыстам і балельшчыкам прапануюцца месцы ў 21 гатэлі. У сферы грамадскага харчавання працуе каля 1,6 тысячы кавярняў і рэстаранаў.  На беларускай нацыянальнай кухні спецыялізуецца больш за 50 пунктаў грамадскага харчавання.


Мінскі гарадскі камітэт прыродных рэсурсаў і аховы навакольнага асяроддзя распрацаваў экалагічны даведнік па Мінску для гасцей і ўдзельнікаў ІІ Еўрапейскіх гульняў.

Даведнікі створаны на рускай і англійскай мовах, яны расказваюць пра чатыры прыродаахоўныя тэрыторыі ў межах горада, а таксама аб наяўных у сталіцы экалагічных сцежках. Акрамя інфармацыі і фатаграфій, даведнікі ўтрымліваюць звесткі аб тым, як дабрацца да кожнага з названых месцаў. Пакуль надрукавана больш за адну тысячу экзэмпляраў, па меры неабходнасці наклад даведнікаў плануюць павялічваць.


Брытанская фан-зона чакае гасцей

Яна адкрыецца 22 чэрвеня каля сталічнага Палаца спорту, пра гэта паведаміла журналістам Надзвычайны і Паўнамоцны Пасол Злучанага Каралеўства Вялікабрытаніі і Паўночнай Ірландыі Фіёна Гіб.

У Мінск на ІІ Еўрапейскія гульні прыедуць каля 150 брытанскіх спартсменаў, уключаючы трэнераў і менеджараў. Чакаецца прыезд і сем'яў многіх спартсменаў. Пра дакладную колькасць чаканых турыстаў з Вялікабрытаніі дыпламат не змагла сказаць, улічваючы бязвізавы характар паездак. Адкрыццё фан-зоны 22 чэрвеня будзе папярэднічаць Вялікаму брытанскаму фестывалю, які адбудзецца ў Мінску 23 чэрвеня.

На фестывалі будзе таксама адлюстравана спартыўная тэматыка. Для тых, хто хоча адчуць сябе ўдзельнікам Уімблдонскага тэніснага турніру, будзе арганізаваны міні-корт. Прадугледжана навучанне асновам рэгбі, гульні кікер, кёрлінгу. Фіёна Гіб адзначыла, што пасольства цяпер актыўна рыхтуецца да згаданых мерапрыемстваў.

Дар'я ЛАБАЖЭВІЧ

Выбар рэдакцыі

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.

Грамадства

Удзельнікі праекта «Настаўнік для Беларусі» стануць «свежым ветрам» у педкалектыве

Удзельнікі праекта «Настаўнік для Беларусі» стануць «свежым ветрам» у педкалектыве

1 верасня ў беларускія школы ў невялікіх населеных пунктах прыйдуць 12 крэатыўных і неабыякавых педагогаў, якія павінны ўдыхнуць у іх новае жыццё.

Эканоміка

Зменіцца парадак прыняцця рашэнняў у сумесных домаўладаннях

Зменіцца парадак прыняцця рашэнняў у сумесных домаўладаннях

Гэта прадугледжана новай рэдакцыяй Жыллёвага кодэкса, якая была прынята сёлета ў пачатку мая, а ўступіць у сілу з 1 студзеня наступнага года.