Вы тут

У Глыбоцкім раёне добрыя паказчыкі выкарыстання нерухомасці


Чарговы выязны прэзідыум Віцебскага абласнога Савета дэпутатаў адбыўся ў Глыбоцкім раёне таму, што тут вельмі добрыя паказчыкі выкарыстання нерухомасці. Гэтая тэма была ў цэнтры ўвагі народных выбраннікаў. Мясцовыя дэпутаты паказалі калегам будынкі, якія цяпер выкарыстоўваюцца ў якасці вытворчых і гандлёвых плошчаў, пазнаёмілі з іх гаспадарамі — дзелавымі людзьмі, якія рэалізавалі інвестыцыйныя праекты.


Старшыня аблсавета Уладзімір Цярэнцьеў канстатаваў, што глыбоцкі вопыт неабходна пераймаць. Тут выкарыстоўваецца прыкладна 93 % нерухомасці, няма праблем з паступленнем у бюджэт грошай за арэнду.

А сакрэт поспеху просты: на ўсіх узроўнях мясцовай улады трэба, як у Глыбоцкім раёне, падыходзіць да ўцягвання ў эканамічны абарот дзяржаўнай маёмасці не фармальна. Калі дэпутацкі корпус актыўна працуе з інвестарамі, ён можа многае.

Спікер «абласнога парламента» папрасіў, дарэчы, больш актыўна расказваць пра магчымасці выкарыстання нерухомасці. Канешне, параўнаўча вопытныя прадпрымальнікі ў курсе. А іх землякі, якія падумваюць заняцца сваёй справай? Наўрад ці. Наогул дэпутаты могуць больш актыўна рэкламаваць бізнес-магчымасці выкарыстання аб'ектаў нерухомасці, упэўнены старшыня аблсавета.

Па сутнасці, калі нерухомасць пачынаюць выкарыстоўваць, паралельна вырашаецца некалькі задач. Зразумела, уласнік будзе займацца і добраўпарадкаваннем навакольнай тэрыторыі. Ствараюцца працоўныя месцы, адпаведна вырашаецца праблема занятасці. Нярэдка арганізуецца экспарт прадукцыі, у бюджэт пералічваюцца падаткі...

Галаўны боль мясцовай улады: нерухомасці шмат, а тых, хто хоча яе купіць, мала. Напрыклад, на прэзідыуме было агучана, што за пяць месяцаў бягучага года ў вобласці ўцягнулі ў абарот толькі 50 аб'ектаў, або 10 % ад запланаванага. Знеслі або дэмантавалі 13 будынкаў і збудаванняў, а плануецца на працягу года 201. Ці паспеюць разбурыць астатняе? Адказ напрошваецца адмоўны.

Нягледзячы на даручэнне кіраўніцтва аблвыканкама па прадстаўленні ў абласны тэрытарыяльны фонд дзяржаўнай маёмасці да 1 красавіка дакументаў для правядзення аўкцыёнаў, на сённяшні дзень не прынятыя рашэнні больш чым па 40 аб'ектах з 323 запланаваных. Гэты факт, як канстатаваў кіраўнік фонду Віктар Зайцаў, — вынік нізкай выканальніцкай дысцыпліны асобных спецыялістаў на месцах, таксама ён сведчыць пра нездавальняючае вядзенне бухгалтарскага ўліку, фармалізм пры правядзенні штогадовых інвентарызацый.

Удзельнікі мерапрыемства не хавалі праблем, якія нярэдка перашкаджаюць у рабоце з нерухомасцю. Напрыклад, старшыня Глыбоцкага раённага савета Галіна Унуковіч расказала пра будынак школы, які можна набыць за базавую велічыню. Дык і добра, у чым цяжкасці? Але ж, аказваецца, каб аформіць суправаджальную дакументацыю на аб'ект, трэба вельмі патраціцца, і ў выніку базавая ператвараецца ў дзясяткі тысяч рублёў.

У любым выпадку мясцовая ўлада, разумеючы праблемы інвестараў, павінна дапамагаць ім на ўсіх этапах: ад экскурсіі на аб'екты, якія могуць зацікавіць, да нюансаў выкарыстання падчас эксплуатацыі.

Дэпутатаў пазнаёмілі з прадпрымальнікамі, якімі маглі б ганарыцца ў кожным раёне. Адзін з іх валодае гатэлем. Гаспадар стварае каля будынка прыгожы зялёны куточак. Ён жа паралельна займаецца бізнесам у сферах дрэваапрацоўкі, прыдарожнага сэрвісу. Цікава, што старанным працаўнікам, якім дапамагае пазбавіцца ад алкагольнай залежнасці, ён да зарплаты выплачвае і прэмію — каля 100 рублёў.

Шмат добрых уражанняў народныя выбраннікі атрымалі падчас наведвання прадпрыемства, якое займаецца вырабам вулічнага дэкору з металу. Яно дзейнічае ў будынку, які доўгі час не эксплуатаваўся. Тут могуць зрабіць, напрыклад, дэкаратыўны масток і сабраць яго на месцы, ці карэту, як і скульптуру паштальёна, калі будзе такі заказ.

Каб такіх прыкладаў эфектыўнага выкарыстання нерухомасці было больш, трэба не пакідаць пытанне ўцягвання нерухомасці ў абарот «на потым». У кожнага аб'екта ёсць плюсы, якія трэба актыўна рэкламаваць. І вельмі важна адшукаць тых, каму прасцей будзе прапанаваць нешта з нерухомасці, улічыўшы вытворчыя і іншыя задачы. Да такой высновы прыйшлі ўдзельнікі выязнога прэзідыума.

Аляксандр ПУКШАНСКІ

Фота аўтара

Загаловак у газеце: Нерухомасць павінна «рухацца»

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.