Прэзідэнт Беларусі Аляксандр Лукашэнка павіншаваў Старшыню Кітайскай Народнай Рэспублікі Сі Цзіньпіна з днём нараджэння. Пра гэта паведамілі ў прэс-службе беларускага лідара.
"З цеплынёй успамінаю нашы сустрэчы, высока цаню разуменне і давер паміж намі. Шчыра ўдзячны вам за асаблівую ўвагу, якую вы ўвесь час надаеце ўмацаванню дружалюбных сувязяў паміж нашымі краінамі. Пры вашым асабістым садзейнічанні беларуска-кітайскія адносіны выйшлі на самы высокі ўзровень і працягваюць набываць новыя абрысы, напаўняючыся ўзаемавыгаднымі праектамі", - гаворыцца ў віншаванні.
Кіраўнік дзяржавы падкрэсліў, што Беларусь была і застаецца ў любое надвор'е сябрам Кітайскай Народнай Рэспублікі. "Мы радуемся выбітным поспехам кітайскага народа, актыўна падтрымліваем прасоўванне ініцыятыў Пекіна, якія служаць інтарэсам усёй сусветнай супольнасці", - адзначыў Прэзідэнт.
Аляксандр Лукашэнка пажадаў Сі Цзіньпіну добрага здароўя, шчасця і дабрабыту, далейшай плённай працы ў імя ўстойлівага развіцця і працвітання Кітая.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.