100 тысяч асятроў

Выпусцілі ў Янцзы.

Звыш 100 тысяч дарослых асобін і малявак карэйскага асятра выпушчана ў вярхоўях ракі Янцзы для аднаўлення дзікай папуляцыі гэтай выміраючай пароды рыбы, перадае «Жэньмінь жыбаа» анлайн».

Выпуск правялі ўрадавыя прадстаўнікі і абаронцы прыроды ў ана ўчастку паблізу горада Ібінь ў правінцыі Сычуань на паўднёвым захадзе Кітая. Гэтым жа мерапрыемствам быў пакладзены старт тлумачальна-прапагандысцкай кампаніі па ахове водных відаў у рацэ Янцзы. На працягу 23 дзён кампаніі эксперты і добраахвотнікі праплылі ўздоўж найбуйнейшай ракі Кітая, арганізуючы сустрэчы, выставы і семінары ў прыбярэжных гарадах і пасёлках. Кампанія прайшла пад эгідай Міністэрства сельскай гаспадаркі і сельскіх спраў, Міністэрства воднай гаспадаркі і Міністэрства транспарту КНР, а таксама Сусветнага фонду дзікай прыроды.

Карэйскі асётр, якога называюць таксама янцзыйскі асётр, страціў здольнасць да натуральнага размнажэння ў 2000 годзе ў сувязі з будаўніцтвам плацін, празмернай лоўляй рыбы і рачной навігацыяй. У 2010 годзе Міжнародны саюз аховы прыроды ўнёс яго ў спіс рыб, якія знаходзяцца на мяжы вымірання. У апошнія гады кітайскія ўлады ўзмацняюць ахову папуляцыі карэйскага асятра, кітайскага асятра і іншых рэдкіх парод рыбы ў рацэ Янцзы шляхам барацьбы супраць браканьерства, закрыцця забруджвальных прадпрыемстваў і выпуску ў раку малявак.