Вы тут

Кампанія beCloud уключыла сетку 4G на ўсіх станцыях і перагонах мінскага метро


— Работы ў мінскім метрапалітэне цалкам завершаны. Пры планаванні сеткі ў такім складаным аб'екце, як метрапалітэн, мы кіраваліся запытамі і патрэбамі абанентаў аператараў, якія будуць карыстацца 4G. Дарэчы, першымі доступ да 4G атрымаюць абаненты мабільных аператараў МТС і life :) , — паведаміў намеснік генеральнага дырэктара beCloud па электрасувязі Міхаіл ДУКА.


 Па выніках шматлікіх тэстаў, праведзеных тэхнічнымі спецыялістамі кампаніі, пры ненагружанай сетцы 4G паказвае ў тунэлях метро упэўнены прыём-перадачу (хуткасць перадачы дадзеных у вагоне цягніка ў тунэлі складае каля 75 Мбіт /сек). Пры адначасовым падключэнні да 4G некалькіх соцень карыстальнікаў нагрузка на LTE ўзрасце, што дазволіць спецыялістам beCloud спрагназаваць аб'ёмы і хуткасць перадачы дадзеных для камфортнага знаходжання ў сетцы.

Праект развіцця 4G у мінскім метрапалітэне стаў адным з ключавых праектаў у падрыхтоўцы беларускіх тэлекам-аператараў да правядзення ў Беларусі II Еўрапейскіх гульняў. Інфраструктурны аператар цалкам пакрыў сеткай усе спартыўныя аб'екты правядзення Еўрапейскіх гульняў, а таксама асноўныя месцы знаходжання спартыўных балельшчкаў: стадыён “Дынама”, спартыўныя комплексы “Мінск-Арэна”, “Чыжоўка-Арэна”, “Уручча”, “Алімпійскі”, Палац спорту і іншыя.

 На час правядзення Еўрапейскіх гульняў кампаніяй beCloud на сямі мабільных базавых станцыях (у партнёрстве з мабільным аператарам МТС) будзе ўстаноўлена абсталяванне, мэта якога — павялічыць ёмістасць і забеспячыць пакрыццё 4G у тых месцах, дзе не прадугледжана будаўніцтва стацыянарных базавых станцый LTE.

 “Акрамя таго, да Еўрапейскіх гульняў кампаніяй beCloud запланавана магутнае пашырэнне сеткі ў дыяпазоне 2600, сумарна да LTE будзе падключана больш за 550 сектараў, з якіх больш за 200 сектараў — у Мінску”,  -- дадаў Міхаіл Дука.

Надзея НІКАЛАЕВА

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.