Вы тут

Тавараабарот Беларусі і Узбекістана можа дасягнуць $1 млрд


Урад Беларусі зацікаўлены ў прамысловай кааперацыі з Узбекістанам і прапануе рэалізаваць маштабныя праекты па вытворчасці тэхнікі, паведаміў намеснік прэм'ер-міністра Уладзімір Дворнік на пасяджэнні міжурадавай камісіі па двухбаковым супрацоўніцтве.


«Мінскі аўтамабільны завод гатовы ўдзельнічаць у стварэнні вытворчасцяў грузавой, спецыяльнай і прычапной тэхнікі, аўтобусаў на газаматорным паліве», — паведаміў віцэ-прем'ер.

Ён падкрэсліў, што ва Узбекістане плануецца будаўніцтва завода па перапрацоўцы малака і малочнатаварнага комплексу на тысячу галоў. На думку Уладзіміра Дворніка, прарыўнымі могуць стаць праекты па аўтаматызацыі газатранспартнай і газаразмеркавальнай сетак Узбекістану з удзелам беларускіх прадпрыемстваў.

Беларускі бок таксама прапануе больш актыўна ўзаемадзейнічаць у галіне інфармацыйных тэхналогій, перш за ўсё наладзіць сувязі паміж паркамі высокіх тэхналогій і адукацыі. Па словах беларускага віцэ-прэм'ера, краіна зацікаўлена ў якаснай узбекскай прадукцыі: садавіне і агародніне, арэхах, баваўняным валакне, медным дроце.

Па ацэнцы намесніка прэм'ер-міністра Узбекістана Эльера Ганіева, узаемны тавараабарот можа дасягнуць мільярда долараў, як гэта даручана кіраўнікамі дзвюх краін, у наступныя тры гады.

Паводле БелТА

Загаловак у газеце: Напрамак на паўднёвы ўсход

Выбар рэдакцыі

Культура

Мікалай Пінігін: Каб ведаў як, сам напісаў бы класную сучасную п'есу

Мікалай Пінігін: Каб ведаў як, сам напісаў бы класную сучасную п'есу

На рахунку рэжысёра і мастацкага кіраўніка Купалаўскага тэатра Мікалая Пінігіна больш за семдзесят спектакляў, і па некаторыя з іх хоць зараз ідзі на вуліцу Энгельса. 

Грамадства

Расказваем пра тое, як на Брэстчыне раней гатавалі варэнне і як гэта робяць цяпер

Расказваем пра тое, як на Брэстчыне раней гатавалі варэнне і як гэта робяць цяпер

Аказваецца, у нашых вёсках амаль да другой паловы ХХ стагоддзя не мелі звычкі нарыхтоўваць яго, не ведалі, як варыцца.