Беларускі дзяржаўны ўніверсітэт палепшыў свае пазіцыі ў рэйтынгу QS World University Rankings 2020. Яго абноўленая версія была апублікаваная 18 чэрвеня.
Усяго ў свеце налічваецца каля 30 000 ВНУ. Сярод 1000 наймацнейшых ВНУ, якія ранжыруюцца QS, у БДУ 351 месца Такім чынам, на працягу трох апошніх гадоў Белдзяржуніверсітэт, згодна з QS, устойліва ўваходзіць у 1,5% вядучых ВНУ. Нагадаем, што ў 2018 годзе ён размяшчаўся на 354 месцы. З іншых беларускіх ВНУ ў QS прадстаўлены толькі БНТУ, які захаваў свае пазіцыі ў групе 801-1000.
БДУ апярэджвае ў рэйтынгу ВНУ Латвіі, Літвы і Украіны. З польскіх ВНУ невялікую перавагу маюць Ягелонскі і Варшаўскі ўніверсітэты — у іх 338 і 349 пазіцыя адпаведна.
З расійскіх ВНУ у рэйтынгу прадстаўлены 25 універсітэтаў. Самая высокая пазіцыя ў МДУ — 87 месца. Навасібірскі дзяржаўны ўніверсітэт заняў 231 радок, Санкт-Пецярбургскі дзяржаўны універсітэт — 234 пазіцыю.
Тры найлепшых ВНУ планеты, па версіі QS, знаходзяцца ў ЗША: гэта Масачусецкі тэхналагічны інстытут, Стэнфардскі і Гарвардскі ўніверсітэты
У рэйтынгу QS бяруцца пад увагу розныя звесткі аб ВНУ, у тым ліку апытанні незалежных экспертаў і працадаўцаў з усяго свету, частата цытавання навуковых прац супрацоўнікаў за апошнія пяць гадоў, колькасць замежных выкладчыкаў і студэнтаў і г.д.
Рэйтынг QS разам з Шанхайскім і THE уваходзіць у вялікую тройку самых аўтарытэтных сусветных рэйтынгаў, якія ранжыруюць толькі першую тысячу наймацнейшых ВНУ свету. Таму знаходжанне ў дадзеным “шорт-лісце” з'яўляецца паказчыкам прызнання ў сусветнай адукацыйнай прасторы. Акрамя таго, міжнародная рэйтынгавая ацэнка ў апошні час істотна ўплывае на выбар ВНУ замежнымі абітурыентамі. Напрыклад, у Туркменістане будуць прызнавацца толькі дыпломы замежных універсітэтаў, якія ўваходзяць у першую тысячу ВНУ.
Трэба дадаць, што ўсяго існуе больш за 20 разнастайных глабальных рэйтынгаў. БДУ ўдзельнічае ў рэйтынгах 11 агенцтваў і заўсёды трапляе у 2% найлепшых універсітэтаў у свеце.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».