Вы тут

Браканьераў выкрылі дзякуючы пільнасці грамадзяніна і фотапастцы


Некалькі фактаў незаконнага палявання выяўлены за мінулы тыдзень, іх акалічнасці даволі незвычайныя, паведамілі ў дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.


Ранкам жыхар Ваўкавыска з балкона сваёй кватэры заўважыў, як да смеццевых кантэйнераў у двары пад'ехаў мікрааўтобус, з якога ў сметніцу выкінулі два вялікіх мяхі са слядамі крыві. Як аказалася, у іх былі спакаваныя рэшткі разабранай тушы аленя (канечнасці, галава, шкура з кулявой адтулінай). Будучы паляўнічым, мужчына ведаў, што здабываць аленяў зараз забаронена, і паведаміў пра знаходку ў інспекцыю.

Па апісанні аўто і запісах з вулічных камер відэаназірання дзяржінспектары і супрацоўнікі РАУС устанавілі ўладальніка мікрааўтобуса. Калі з ім звязаліся па тэлефоне, падазраваны паспрабаваў падмануць праваахоўнікаў, заявіўшы, што цяпер знаходзіцца ў іншым горадзе. Тым не менш, неўзабаве мужчына выйшаў з свайго дома і яго затрымалі.

Унутры аўтамабіля эксперты выявілі валасінкі шэрсці жывёлы, якія адправілі на даследаванне. Нанесеная прыродзе шкода ацэньваецца ў 7,6 тысячы рублёў, распачата крымінальная справа.

Невядомы мужчына, які прагульваўся па лесе са зброяй, двойчы за дзень трапіў у аб'ектыў фотапасткі, устаноўленай на тэрыторыі Пагастское лясніцтва. Кім з'яўляецца чалавек на фота, высветлілі падчас аператыўнай работы інспектары Бярэзінскай міжрайінспекцыі. Яны даведаліся, што паляўнічы-нелегал жыве ў вёсцы Васілеўшчына, і разам з супрацоўнікамі РАУС наведаліся да яго для праверкі.

Пасля размовы вясковец прызнаў факт палявання і выдаў нелегальную зброю - гладкаствольную стрэльбу і вінтоўку Мосіна, з якой мужчына зафіксаваны на фота, а таксама два зменных ствала да вінтоўкі. Паколькі здабыць дзічыну парушальнік не паспеў, яго прыцягнуць да адміністрацыйнай адказнасці.

Сяргей РАСОЛЬКА

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.