Вы тут

Музей гісторыі ВАВ правядзе акцыю памяці «Героі глядзяць з фатаграфій»


З 23 чэрвеня да 3 ліпеня гэтага года Беларускі дзяржаўны музей гісторыі Вялікай Айчыннай вайны правядзе ў сацыяльных сетках акцыю памяці «Героі глядзяць з фатаграфій». У гэты час на старонках папулярных рэсурсаў («Вконтакте», Fасеbооk, Іnstаgrаm) супрацоўнікі музея будуць размяшчаць фотаздымкі франтавікоў і партызанаў — удзельнікаў вызвалення Беларусі, а таксама інфармацыю пра іх. Публікацыі будуць пазначацца адпаведным хэштэгам.


Музей запрашае іншыя арганізацыі і ўстановы (музеі, архівы, бібліятэкі) далучыцца да акцыі памяці і размясціць на сваіх старонках у сацыяльных сетках фотаздымкі герояў, якія ўдзельнічалі ў вызваленні нашай краіны.

Падтрымаць такі пачын могуць таксама і сем'і, якім удалося захаваць каштоўныя фота ўдзельнікаў падзей 1944 года, калі ў выніку наступальнай аперацыі «Баграціён» была цалкам вызвалена тэрыторыя Беларусі, а нанесенае групе нямецкіх армій «Цэнтр» паражэнне стварыла ўмовы для далейшага прасоўвання савецкіх войскаў на Захад і канчатковага разгрому праціўніка. Будуць чакаць здымкаў і ад замежных грамадзян, чые продкі ваявалі ў Чырвонай арміі на тэрыторыі нашай зямлі, — а такіх былі тысячы, больш за 1600 з іх атрымалі званне Героя Савецкага Саюза.

Алена ДЗЯДЗЮЛЯ

Загаловак у газеце: Фота з гісторыяй

Выбар рэдакцыі

Спорт

ФК «БАТЭ» перамог у фінале Кубка Беларусі па футболе

ФК «БАТЭ» перамог у фінале Кубка Беларусі па футболе

Барысаўчане перагулялі клуб з Брэста.

Грамадства

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

«Большасць пацыентаў дыягназ успрымаюць адэкватна». Як працуюць выязныя брыгады, што лечаць пацыентаў з COVID-19 дома

З канца красавiка пацыентаў, хворых на каранавiрусную iнфекцыю ў лёгкай i бессiмптомнай форме, лечаць амбулаторна. 

Культура

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

Марыя Касцюковіч: Спачатку дзiцячае кiно было вялiкiм выхавальнiкам, а потым стала часткай дзяцiнства

У сферы нашай культуралагiчнай лiтаратуры чакаецца прыбаўленне: праз пэўны час пад цвёрдай вокладкай мы зможам знайсцi грунтоўнае i займальнае даследаванне беларускага дзiцячага кiно — таго, што ў савецкiя i постсавецкiя часы адмыслова стваралася для вельмi асаблiвай аўдыторыi.