На 25 літраў папоўніліся запасы донарскай крыві дзякуючы дэпутатам Гомельскага абласнога і гарадскога Саветаў дэпутатаў. Разам з актывістамі Чырвонага Крыжа яны сталі ўдзельнікамі дабрачыннай акцыі «Выратуем жыццё разам!» і бязвыплатна здалі кроў.
Галоўны ўрач Гомельскай гарадской клінічнай бальніцы № 3, дэпутат гарадскога Савета дэпутатаў Іван Худзякоў перакананы, што донарства крыві не павінна быць сродкам заробку:
— Калі разумееш, што кроў неабходная і нованароджанаму дзіцяці, і сталаму чалавеку, што яна можа выратаваць камусьці жыццё, эмоцыі проста перапаўняюць. Асабліва калі ты робіш гэта не за грошы, а ад шчырага сэрца.
Данацыю правяла Гомельская станцыя пералівання крыві ў памяшканні Савецкай раённай арганізацыі беларускага таварыства Чырвонага Крыжа. Перад гэтым усе донары здалі неабходныя аналізы, прайшлі агляд урача-трансфузіёлага, падмацаваліся салодкім харчаваннем. За трыццаць хвілін амаль паўсотні чалавек здалі 25 літраў крыві.
Ірына АСТАШКЕВІЧ
Фота аўтара
Першы энергаблок Беларускай АЭС гатовы на 95 %, другі — на 70 %.
Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.
Актыўная мама — гэта не толькі трэнд, але і жыццёвая неабходнасць у сучасным свеце.
Трывалая сувязь з блізкімі і роднымі вельмі важная для чалавека, які служыць у войску.
