Вы тут

1,1 тысячы пасажыраў ужо скарысталіся на БЧ новай тэхналогіяй аплаты праезду


Менавіта столькі чалавек выбралі паслугу аплаты праезду бескантактавымі банкаўскімі карткамі ў цягніках гарадскіх ліній за першы тыдзень эксплуатацыі новай сістэмы, паведамілі ў прэс-цэнтры магістралі.


Нагадаем, з 12 чэрвеня ўпершыню ў краінах СНД Беларуская чыгунка сумесна з ААТ “БПС-Ашчадбанк” укараніла ў цягніках гарадскіх ліній сістэму аплаты праезду з выкарыстаннем бескантактавых банкаўскіх плацежных картак, а таксама смартфонаў, смарт-гадзіннікаў і іншых мабільных прылад, якія падтрымліваюць тэхналогію NFC (Near field communication).

Першы тыдзень эксплуатацыі новай сістэмы паказаў, што гэты метад аплаты стаў найбольш папулярным на напрамку Мінск -- Беларусь (Заслаўе), дзе яго доля склала 85 % ад агульнай колькасці.

Шырокая і геаграфія банкаў эмітэнтаў картак, якімі быў аплочаны праезд. Гэта такія краіны, як: Аўстралія, Бразілія, Тайвань, Кітай, ЗША, Канада, Германія, Італія, Вялікабрытанія, Літва, Латвія, Украіна і Расійская Федэрацыя.

Аплаціць праезд магчыма па поўным тарыфе з выкарыстаннем бескантактавых банкаўскіх плацежных картак Visa payWave, MasterCard Contactless і БелКарт-Maestro, смартфонам або смарт-гадзіннікамі ў межах аднаго тарыфнага пояса - на участках Мінск - Беларусь, Мінск - Міханавічы і Мінск - Гарадзішча. Аплата ажыццяўляецца пры пасадцы. БКК неабходна прыкласці да валідатора ў вагоне электрацягніка.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».