Членам дэлегацыі Рэспублікі Беларусь на ІІ Еўрапейскіх гульнях 2019 года ў г. Мінску
Дарагія сябры!
Гісторыя алімпійскага руху ў нашай краіне даўняя і слаўная. Мы ганарымся беларускімі атлетамі, чые імёны і трыумфы назаўсёды ўпісаны ў пераможны летапіс айчыннага і сусветнага спорту. Захапляемся іх мужнасцю, сілай духу і воляй да перамогі.
Быць дастойнымі пераемнікамі куміраў папярэдніх пакаленняў — значыць паказаць на ІІ Еўрапейскіх гульнях максімум сваіх магчымасцяў і найлепшы вынік. Яркімі выступленнямі і неаспрэчнымі рэкордамі чарговы раз узняць краіну на п'едэстал спорту высокіх дасягненняў.
Перакананы, што нацэленасць на поспех, майстэрства, прафесійныя амбіцыі трэнераў і спартсменаў прывядуць нашу каманду да новых алімпійскіх вяршыняў. Энергія роднай зямлі прыдасць на гэтым шляху сілы, а падтрымка балельшчыкаў настроіць на бескампрамісную і захапляльную барацьбу за медалі.
Веру ў вас, жадаю моцнага здароўя, спартыўнай удачы і гучных перамог на славу нашай Беларусі!
Прэзідэнт Рэспублікі Беларусь,
Прэзідэнт Нацыянальнага алімпійскага камітэта Рэспублікі Беларусь
Аляксандр ЛУКАШЭНКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
