Вы тут

У пятніцу ўдзень будзе не больш чым 16—23 градусы цяпла


У першай палове тыдня тэрыторыя нашай краіны будзе знаходзіцца пад уплывам вобласці павышанага атмасфернага ціску, таму ў гэтыя дні чакаецца цёплае без ападкаў надвор'е. А вось у чацвер актыўны франтальны раздзел абумовіць няўстойлівае з дажджамі і парывістым ветрам надвор'е. За фронтам пачне паступаць халодная паветраная маса з паўночных шырот, і да канца рабочага тыдня ў нас стане істотна свяжэй, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У сераду будзе пераважна без ападкаў. Тэмпература паветра ў начныя гадзіны складзе 11—16 цяпла, у асобных раёнах знізіцца да плюс 8—10 градусаў, удзень чакаецца ад 23 градусаў вышэй нуля па паўночным усходзе да плюс 32 градусаў па захадзе краіны.

Атмасферны фронт прыйдзе да нас у чацвер. Ужо ўначы ён прынясе ападкі ў асноўным па паўночна-заходняй палове краіны. Раніцай і днём на большай частцы тэрыторыі рэгіёна чакаюцца кароткачасовыя дажджы рознай інтэнсіўнасці, месцамі прагрымяць навальніцы, у асобных раёнах магчымы град. Удзень у многіх раёнах чакаецца моцны парывісты вецер. Тэмпература паветра ўначы складзе 14—20 цяпла, удзень у асноўным будзе плюс 22—28 градусаў, у паўночных раёнах краіны прагназуецца ад плюс 19 да плюс 21 градуса, на паўднёвым усходзе паветра прагрэецца да 31 цяпла.

У пятніцу халоднае паветра распаўсюдзіцца на ўсю тэрыторыю нашай краіны. Нават удзень чакаецца ветранае надвор'е, а месцамі па краіне пройдуць кароткачасовыя дажджы. Тэмпература паветра ўначы складзе 9—16 градусаў, удзень будзе не больш чым 16—23 цяпла.

Сяргей КУРКАЧ

Загаловак у газеце: З гарачыні ды ў холад

Выбар рэдакцыі

Культура

«Звязда» з'ездзіла на кінафестываль Żubrоffkа

«Звязда» з'ездзіла на кінафестываль Żubrоffkа

Раім вам у наступным годзе адправіцца туды самім.

Культура

Мастачка Алеся Скарабагатая: Няма мэты падабацца

Мастачка Алеся Скарабагатая: Няма мэты падабацца

Імя мастачкі гучыць усе пяць гадоў правядзення «Асенніх салонаў».

Спорт

Спартсмен Валерый Макарэвіч: Мара ў мяне адна — стаць прафесіяналам сваёй справы

Спартсмен Валерый Макарэвіч: Мара ў мяне адна — стаць прафесіяналам сваёй справы

Як варатар зборнай Беларусі па пляжным футболе сумяшчае гульню з роляй настаўніка і бацькі.  

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.