Вы тут

Як прадстаўнік Японіі пераймае вопыт работы беларускіх прэс-цэнтраў


Канаму Міяке з арганізацыйнага камітэта Алімпійскіх гульняў Токіа-2020 прыехаў у Мінск напярэдадні старту II Еўрапейскіх гульняў. Яго мэта пераняць вопыт работы прэс-цэнтра на турніры па баскетболе 3×3. Раней малады чалавек працаваў пішучым журналістам у адной з газет Токіа, а цяпер рыхтуецца прымаць прадстаўнікоў СМІ з усяго свету ў Японіі, па прызнанні Канаму Міяке, Мінск з’яўляецца выдатным узорам такой дзейнасці.


— На Алімпіядзе-2020 я буду кіраваць прэс-цэнтрам на турніры па стрытболе, таму ў Беларусі назіраю за тым, як працуюць журналісты на спаборніцтвах менавіта па гэтаму віду спорту. Гляджу, як арганізаваны прэс-цэнтр і ўсе зоны для работы журналістаў, — расказвае Канаму Міяке. — Баскетбол у цэлым не вельмі папулярны ў мяне ў краіне, але гэты від спорту развіваецца тым больш цяпер, калі ён упершыню ўвайшоў у праграму Алімпійскіх гульняў. Ён становіцца папулярней з кожным днём. Але пакуль у нас праводзіцца не так шмат спаборніцтваў, таму мне цікава атрымаць вопыт работы на міжнародных спаборніцтвах.

У прадстаўніка аргкамітэта ўжо атрымалася паглядзець, як функцыянуе зона для работы СМІ і мікст-зона.

— Гэта такое незвычайнае месца — сэрца прэс-цэнтра. Таксама я надаў увагу рабоце на фотапазіцыях, як расстаўлены фатографы. Яшчэ мяне цікавіла работа з валанцёрамі. У Беларусі ўсё арганізавана на вышэйшым узроўні. Сёння турнір па баскетболе заканчваецца, таму я пераязджаю ў галоўны прэс-цэнтр Еўрапейскіх гульняў на стадыён «Дынама», дзе буду назіраць за работай журналістаў на лёгкай атлетыцы.

На мой погляд Алімпіяду і Еўрапейскія гульні радніць тое, што гэта мультыспартыўныя турніры, але думаю, на Алімпійскіх гульнях будзе яшчэ больш людзей, бо тут усё ж такі Еўрапейскія гульні, а ў Токіа прыедзе ўвесь свет. У тым ліку будзе больш і спартсменаў і журналістаў, тэлевяшчальнікаў. Сёння Токіа гатовы да Алімпіяды на 60-70 працэнтаў, многае з інфраструктуры ўжо гатова, а работа з журналістамі, іх размяшчэннем яшчэ вядзецца.

Канаму Міяке вельмі шмат часу праводзіць у прэс-цэнтры, таму ў яго яшчэ не атрымалася добра разгледзець Беларусь, але самае галоўнае тут ён ужо прымеціў.

— Мінск — гэта вельмі прыгожы і зялёны горад, тут вельмі ветлівыя людзі. Я наведаў некалькі кафэ, паспрабаваў вашы знакамітыя бліны, а таксама стравы з рускай і ўкраінскай кухні. Шчыра кажучы, я не вельмі шмат ведаю пра гэтыя краіны, бацькі распавядалі мне толькі пра тое, што ў СССР адбылася катастрофа — выбух на атамнай станцыі ў Чарнобылі.

Дар’я Лабажэвіч

Фота Ганны Занкавіч

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.