Кампанія МТС прааналізавала мабільную актыўнасць сваіх абанентаў на стадыёне «Дынама» 21 чэрвеня. Падчас адкрыцця II Еўрапейскіх гульняў гледачы на трыбунах нагаварылі па тэлефоне 849 гадзін, прапампавалі 1100 гігабайт інтэрнэт-трафіку і адправілі больш за 4,7 тысячы SMS.
Для таго, каб прапусціць пікавыя аб’ёмы трафіку падчас адкрыцця Гульняў, пры будаўніцтве тэлекамунікацыйнай інфраструктуры на стадыёне былі выкарыстаныя нестандартныя тэхнічныя рашэнні. Адным з забудоўшчыкаў выступіла кампанія МТС.
Была створана трохмерная мадэль «Дынама» і з дапамогай адмысловай праграмы пралічаны аптымальныя пункту размяшчэння антэн. Частку з іх размясцілі над трыбунамі па ўсім перыметры стадыёна, тут выкарыстоўвалі спецыяльныя стадыённыя антэны, частку — унутры арэны. Гэта дазволіла забяспечыць максімальнае пакрыццё і гарантаваць якасную сувязь для тысяч гледачоў на трыбунах і ў памяшканнях пад трыбунамі, залах для прэс-канферэнцый, vip-залах і іншых памяшканнях.
Сярод зарэгістраваных у сетцы МТС замежных гасцей, што прынялі ўдзел ва ўрачыстым адкрыцці, лідзіруюць госці з Расіі (больш за 51%), на другім месцы — Украіна. У тройцы лідараў таксама фанаты з Нідэрландаў. На чацвёртым і пятым месцах — Эстонія і Германія. У дзясятку краін з найбольшай колькасцю зарэгістраваных абанентаў увайшлі таксама Польшча, Літва, Кітай, Латвія і Казахстан.
МТС выступае Нацыянальным партнёрам II Еўрапейскіх гульняў у Мінску.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
