02 снежня, серада

Вы тут

Марына Літвінчук і Вольга Худзенка сталі чэмпіёнкамі ІІ Еўрапейскіх гульняў


Сёння на вяслярным канале ў Заслаўі працягнуліся спаборніцтвы па веславанні на байдарках і каноэ. Там прайшлі фінальныя і паўфінальныя заезды, нашы спартсмены былі заяўлены ў пяці вырашальных стартах.


Першае «золата» ў веславанні нашай камандзе прынеслі байдарачніцы Марына Літвінчук і Вольга Худзенка на дыстанцыі 500 метраў. Дзяўчаты пайшлі ў адрыў са стартавых метраў і вельмі хутка апынуліся па-за зонай дасягальнасці для саперніц. Дапоўнілі прызавую тройку на гэтай дыстанцыі прадстаўніцы Венгрыі і Расіі.

На п’едэстале беларускі не змаглі стрымаць слёз радасці.

«Трыбуны сваім крыкам падганялі нас, — заўважыла Марына Літвінчук. — Вашы калегі прыязджалі да нас і бачылі, як старанна мы працавалі: вось як працавалі, такі вынік і паказалі. Але калі стаіш там, на п’едэстале, усё забываецца — і слёзы, і ўсе цяжкасці».

«Дзякуй усім родным, блізкім, сябрам, балельшчыкам, трэнерам, — адзначыла Вольга Худзенка. — Дзякуй за такую ??арганізацыю — да нас падыходзяць замежныя спартсмены і кажуць, што яны ў захапленні ад такой арганізацыі спаборніцтваў».

Адзначым, што ў бягучым сезоне беларускія байдарачніцы Марына Літвінчук і Вольга Худзенка з’яўляюцца аднымі з лідараў, яны перамаглі ў «двойцы» на 500 м на этапе Кубка свету ў Познані.

Бронзавым прызёрам на дыстанцыі 1000 метраў у байдарачнікаў-адзіночак стаў Алег Юрэня. Яго апярэдзіў толькі венгр Балін Копач і партугалец Фернанда Пімента. «Вельмі прыемныя эмоцыі, бо я ганяюся ў Мінску і гэты медаль для мяне вельмі важны, — адзначыў Алег пасля фінішу. — Важны нават не столькі для мяне, колькі для трыбун, для маіх родных і блізкіх. Ганяцца ў сябе дома ўдвая больш адказна, і ўтрая больш прыемна заваёўваць медалі. Тут мае бацькі, жонка, дачка. На старце я быў вельмі спакойны, але гонка атрымалася цяжкая».

Адзначым, што ў бягучым сезоне на этапе Кубка свету ў Познані на гэтай дыстанцыі Алег Юрэня заняў другое месца, саступіўшы на фінішы толькі партугальцу Фернанда Піменту.

Беларус Максім Пятроў фінішаваў чацвёртым на дыстанцыі 1000 м на каноэ. На фінішы яго апярэдзілі вопытны нямецкі вясляр Себасцьян Брэндзель (трэцяе месца), расіянін Кірыл Шамшурын (другое месца) і адзін з сусветных лідараў у веславанні на каноэ Томаш Качар з Польшчы.

У спаборніцтвах байдарак-двоек на 1000 метраў беларусы Раман Петрушэнка і Віталь Бялько занялі восьмае месца. У фінальным заездзе каноэ-двоек на 1000 метраў Андрэй Багдановіч і Віталь Асецкі сталі сёмымі.

  • Заўтра фінальныя заезды па веславанні ў Заслаўі працягваюцца. Усяго на Еўрапейскіх гульнях у гэтым відзе спорту за медалі змагаюцца 350 спартсменаў. Нагадаем, чатыры гады таму ў Баку ў беларускай зборнай было 5 медалёў па веславанні. У Мінску перад беларускімі спартсменамі стаіць такая ж задача.

Дар’я Лабажэвіч

Фота Ганны Занкавіч

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.