Вы тут

Музычную праграму «Душа Беларусі» пакажа тэлеканал АНТ 3 ліпеня


Святочны канцэрт, прымеркаваны да Дня Незалежнасці, — мерапрыемства, можна сказаць, традыцыйнае. Але ў дырэкцыі спецпраектаў тэлеканала АНТ прыдумалі, як зрабіць імпрэзу яркай і небанальнай: за аснову ўзялі найвядомейшыя шлягеры ансамбля «Беларускія песняры», а месцам дзеі выбралі... адкрытую пляцоўку на ўзроўні пяціпавярховага дома ў сэрцы сталіцы — недалёка ад стэлы «Мінск — горад-герой».


Фота googleapis.com

Вядучымі музычнай праграмы «Душа Беларусі» стануць вопытны гулец айчыннай тэлепрасторы Дзяніс Кур'ян і прадстаўніца маладога творчага пакалення, спявачка і блогер Лера Яскевіч, чые музычныя відэаролікі збіраюць на YоuTubе дзясяткі тысяч праглядаў і лайкаў. Не выключэннем стане і гэты вечар — Лера Яскевіч выканае адну са знакавых лірычных кампазіцый «Беларускіх песняроў».

Фота masheka.by

Акрамя таго, на незвычайным «канцэрце на даху» свае версіі вядомых хітоў прадставяць спецыяльныя госці — пераможца расійскага шоу «Бітва талентаў» мінчанін Мікіта Бялько і гурт Nаvіbаnd. І, безумоўна, сам ансамбль «Беларускія песняры», у выкананні якога прагучыць «песняроўская» спадчына розных гадоў: «Молодость моя — Белоруссия», «Вологда», «Не люби нелюбимого», «Рэкрут», «Чарнявая, бялявая», «Скажи про любовь» і яшчэ добры дзясятак кампазіцый. Паслухаць выступленне жыўцом пашанцуе абмежаванаму колу гледачоў — на пляцоўцы змесціцца ўсяго 60—70 чалавек, — а вось паглядзець эфір 3 ліпеня запрашаюцца ўсе ахвотныя.

Вікторыя ЗАХАРАВА

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.