Вы тут

371 малады лейтэнант выпусціўся з Акадэміі МУС


За сцены альма-матар выйшаў 371 малады лейтэнант. 11 атрымалі залатыя медалі, яшчэ 44 — чырвоныя дыпломы. Урачыстая цырымонія выпуску прайшла на плошчы Дзяржаўнага сцяга. Павіншаваць выпускнікоў прыбылі міністр унутраных спраў Юрый Караеў і начальнік Акадэміі МУС Сяргей Дарошка, кіраўнікі Следчага камітэта і КДК, прадстаўнікі Дзяржпагранкамітэта і Міністэрства абароны. У падраздзяленнях гэтых сілавых ведамстваў і будуць праходзіць службу выпускнікі.


— Першае афіцэрскае званне і дыплом аб вышэйшай адукацыі — вынік добрасумленнай працы на працягу ўсяго перыяду навучання, — зазначыў Юрый Караеў. — Наперадзе вялікае жыццё, поўнае новых планаў і здзяйсненняў, цяжкасцяў і перамог. Доўг, гонар, адвага і мужнасць — гэта крытэрыі вашай работы, але яны павінны спалучацца з высокай культурай, ветлівым і ўважлівым стаўленнем да людзей.

Адзін з тых, хто атрымаў чырвоны дыплом, — Уладзіслаў Кравец, ён адправіцца служыць у Гомель:

— Акадэмія валодае вельмі добрай базай. Таксама ёсць магчымасці паспрабаваць свае сілы абсалютна ў любой сферы. Калектыў у нас вельмі дружны. Ці можна было б уявіць, што хлопцы, з якімі я вучуся, стануць як сапраўдная сям'я? Шкада толькі адно — збірацца здолеем не так часта, як таго хацелася б.

Начальнік Акадэміі МУС Сяргей Дарошка расказаў пра перспектывы ўдасканалення навучальнага працэсу. Мяркуецца, што ва ўстанове з'явіцца больш прадметаў, якія скіраваны на расследаванне злачынстваў у сферы высокіх тэхналогій. Злачыннасць пакрысе перацякае ў лічбавую прастору, і МУС мусіць рэагаваць на выклікі часу.

На заканчэнне ўрачыстай цырымоніі выпускнікі развіталіся са сцягам Акадэміі МУС і прайшлі ўрачыстым маршам.

Валяр'ян ШКЛЕННІК

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.