Адпаведны законапраект у сувязі з 75-годдзем вызвалення Беларусі ад нямецка-фашысцкіх захопнікаў прынялі ў двух чытаннях дэпутаты Палаты прадстаўнікоў Нацыянальнага сходу шостага склікання на чарговым пасяджэнні шостай сесіі.
«Адрозненне ад амністыі 2015 года ў тым, што мы ўключылі сюды артыкул 328 Крымінальнага кодэкса — першую, другую і трэцюю часткі. Тэрмін скарачаецца на год, непаўналетнім будзе зніжаны на два. Пад амністыю трапляюць тыя, хто цалкам пакрыў страту ад злачынства і станоўча характарызуецца па месцы адбывання пакарання», — растлумачыў член Пастаяннай камісіі Палаты прадстаўнікоў па нацыянальнай бяспецы Васіль ЧЭКАН. Міністр унутраных спраў Юрый КАРАЕЎ, які прадстаўляў законапраект, паведаміў, што з папраўчых устаноў закрытага тыпу мяркуецца вызваліць каля шасці тысяч чалавек.
Ён адзначыў, што тых, хто здзейсніў карупцыйнае злачынства, амністыя не закране. Вызваленне ад пакарання ўвойдзе ў сілу пасля афіцыйнага апублікавання Закона і працягнецца дзевяць месяцаў, а не шэсць, як мінулая амністыя.
Варвара МАРОЗАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».