Янез Качыянчыч: Беларусь выдатна правяла Еўрапейскія гульні

Заявіў прэзідэнт Еўрапейскіх алімпійскіх камітэтаў (ЕАК) Янез Качыянчыч, перадае БЕЛТА.

Кіраўнік ЕАК адзначыў вялікую работу, якую правёў беларускі бок. "Гэтыя гульні праведзены цудоўна, яны з'яўляюцца добрай асновай для правядзення наступных", - сказаў Янез Качыянчыч. Ён падкрэсліў, што Еўрапейскія гульні захоўваюць чысціню ад допінгу і павіншаваў з гэтым усе краіны-ўдзельніцы і арганізатараў.

• Янез Качыянчыч прывёў статыстыку гульняў. У іх прынялі ўдезл 3660 спартсменаў з усіх 50 краін Еўрапейскіх камітэтаў. Медалі атрымалі 43 краіны. Больш за ўсё на рахунку Расіі - 109 медалёў.

Падтрымаў прэзідэнта ЕАК старшыня каардынацыйнай камісіі ЕАК па Еўрапейскіх гульнях у Мінску Спірас Капралас, падкрэсліўшы, што "II Еўрапейскія гульні перасягнулі ўсе чаканні". Ён сказаў, што спартсмены, спартыўныя федэрацыі і алімпійскія камітэты добра адзываліся аб умовах пражывання, транспартных перавозках, далі высокую ацэнку спартыўным аб'ектам.

Фота БЕЛТА