Вы тут

Прайшла нефармальная сустрэча Лукашэнкі з Пуціным


Сустрэча прэзідэнтаў Беларусі і Расіі Аляксандра Лукашэнкі і Уладзіміра Пуціна праходзіць на тэрыторыі дзяржаўнай рэзідэнцыі «Заслаўе», паведамляе БЕЛТА.


Сустрэча кіраўнікоў дзяржаў прайшла ў нефармальнай абстаноўцы. Цікавы факт, што месцам яе правядзення выбрана альтанка на тэрыторыі рэзідэнцыі, якая была падораная Прэзідэнтам Узбекістана Шаўкатам Мірзіёевым.

Аляксандр Лукашэнка падарыў Уладзіміру Пуціну сувеніры II Еўрапейскіх гульняў — пано з моранага дуба з замацаванымі на ім медальёнамі, якія сімвалізуюць 15 відаў спорту, прадстаўленых на форуме, эксклюзіўны набор шакаладу і талісман гульняў лісяня Лёсіка. Яшчэ адзін падарунак — фігурка, якая паказвае двух дзюдаістаў. Як вядома, расійскі лідар захапляецца гэтым відам спорту.

Плануецца, што Уладзімір Пуцін сёння разам з іншымі высокімі гасцямі на стадыёне «Дынама» наведае цырымонію закрыцця II Еўрапейскіх гульняў. Раней днём ён наведаў адзін з фінальных паядынкаў па боксе ў палацы спорту «Уручча», а таксама назіраў за перыпетыямі барацьбы на гімнастычным памосце ў «Мінск-Арэне».

Аб’ём беларуска-расійскага гандлю таварамі у 2018 годзе склаў $ 35,5 млрд (109,4% да ўзроўню 2017 году), экспарт — $ 12,9 млрд, імпарт — $ 22,6 млрд. Тавараабарот у студзені-красавіку 2019 года быў роўны $ 11,1 млрд. у студзені-сакавіку 2019 года на долю Расіі прыпадала $1,2 млрд, або 40,9% ад агульнага аб’ёму прыцягнутых у Беларусь замежных інвестыцый.

Эканамічныя адносіны падтрымліваюцца з 80 расійскімі рэгіёнамі, у тым ліку з 70 — на аснове міжурадавых пагадненняў аб доўгатэрміновым супрацоўніцтве.

Да сустрэчы лідараў Беларусі і Расіі таксама далучыўся кіраўнік Таджыкістана Эмамалі Рахмон.

Выбар рэдакцыі

Грамадства

Кіраўнік Мінскай вобласці — аб тым, чаго рэгіён дасягнуў за дваццаць пяць гадоў

Кіраўнік Мінскай вобласці — аб тым, чаго рэгіён дасягнуў за дваццаць пяць гадоў

 Міншчына — самы цэнтр краіны, яна нават сваімі абрысамі нагадвае сэрца. 

Грамадства

Як пад Мінскам сартуюць смецце

Як пад Мінскам сартуюць смецце

Аператар другасных матэрыяльных рэсурсаў і рух за перапрацоўку адходаў «Мэта 99» далі людзям магчымасць на свае вочы пабачыць, як выглядаюць «смеццевыя могілкі».