Вы тут

​У Беларусі плануецца будоўля пяці ветрапаркаў


Міністэрства прыродных рэсурсаў і аховы навакольнага асяроддзя пры садзейнічанні Праграмы развіцця ААН рэалізуе праект «Скасаванне бар'ераў для развіцця ветраэнергетыкі», паведаміла начальнік упраўлення рэгулявання ўздзеянняў на атмасфернае паветра, змяненне клімату і экспертызы Мінпрыроды Наталля АЛЕЙНІКАВА падчас круглага стала «Зялёнае горадабудаўніцтва: ад тэорыі да практыкі» ў Палаце прадстаўнікоў Нацыянальнага сходу Беларусі.


Па словах дакладчыцы, праект прадугледжвае падрыхтоўку пяці пляцовак пад будаўніцтва ветрапаркаў. Пазней актывы будуць прададзены інвестарам, якія забяспечаць стварэнне і эксплуатацыю ветраных электрастанцый. У Лёзненскім раёне такая пляцоўка выстаўлена на электронныя таргі.

«Адзін з прыярытэтных кірункаў у галіне зялёнай эканомікі — забеспячэнне энергетычнай бяспекі краіны. З 2002 да 2018 года прыцягнута больш за 730 мільёнаў долараў кліматычнага фінансавання міжнароднай тэхнічнай дапамогі», — паведаміла Наталля Алейнікава.

Яна падкрэсліла важнасць распрацоўкі стратэгіі нізкавугляроднага развіцця на мясцовым узроўні. У асноўным гэта датычыцца тых гарадоў і раёнаў, якія падпісалі Пагадненне мэраў па клімаце і энергіі, — да гэтай ініцыятывы Еўрапейскага саюза далучылася ўжо больш за 45 населеных пунктаў краіны.

Нагадала начальнік упраўлення і пра тое, што, падпісаўшы Парыжскае пагадненне, Беларусь абавязалася не перавысіць узровень 96,1 мільёна тон выкідаў СО2 у эквіваленце. Фактычна ў 2017 годзе ўзровень выкідаў парніковых газаў у краіне склаў 93,9 мільёна тон СО2 у эквіваленце.

«Мэтанакіраваная работа па энергазберажэнні дазволіла досыць паспяхова зніжаць энергаёмістасць валавога ўнутранага прадукту пры амаль захаваных спажываных рэсурсах», — у сваю чаргу паведаміў намеснік дырэктара дэпартамента па энергаэфектыўнасці Дзяржаўнага камітэта па стандартызацыі Леанід ПАЛЯШЧУК.

Па яго інфармацыі, доля ўзнаўляльных крыніц энергіі ў Беларусі цяпер павялічылася да 6,2 %. Да 2030 года плануецца павелічэнне да 10 % — большай часткай за кошт фотаэлектрычных станцый, біягазавых тэхналогій і гідраэлектрастанцый.

«У нас больш за 62 % будынкаў з павышаным энергаспажываннем на квадратны метр. Распрацаваны бізнес-план па павышэнні энергаэфектыўнасці і далейшай мадэрнізацыі жылля. У Гродзенскай і Магілёўскай абласцях, Мінску дзякуючы рэалізацыі тыпавых праектаў удзельнае спажыванне аказалася ў 2,4 раза ніжэйшым за рэспубліканскае», — паведаміў Леанід Паляшчук.

Мадэрнізацыя будынкаў накіравана на зніжэнне спажывання цяпла і, адпаведна, «аблягчэнне» жыроўкі для жыхароў.

«Калі замяніць вокны, частку камунікацый і правесці цеплавую мадэрнізацыю, штогадовая эканомія складзе 317 тысяч еўра. А дадатковае ўцяпленне агароджвальных канструкцый, дахаў і сутарэнняў дапаможа зберагчы 1,6 мільёна еўра штогод», — прывёў лічбы намеснік дырэктара.

«Вельмі прыемна, што ўпершыню ў гісторыі прыняты законапраект аб арганічнай прадукцыі. Такім чынам парламент надае ўвагу добраму, якаснаму харчоваму прадукту, без якога не бывае здароўя нацыі», — выказаў упэўненасць намеснік старшыні Палаты прадстаўнікоў Баляслаў ПІРШТУК.

Ён асабліва адзначыў і новы кірунак, які апошнім часам хутка развіваецца, — электратранспарт. На думку Баляслава Пірштука, за электрамабілямі і электробусамі — будучыня, асабліва ў буйных гарадах.

Варвара МАРОЗАВА

Загаловак у газеце: Грошы — на ветры

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.