Гасцямі Мінска ў час II Еўрапейскіх гульняў сталі многія вядомыя журналісты, кіраўнікі масмедыя розных краін.
Сярод іх — і вядомы расійскі журналіст, супрацоўнік «Российской газеты» і пісьменнік Мікалай Далгаполаў, аўтар мноства кніг і публікацый пра разведчыкаў-нелегалаў. Мікалая Міхайлавіча прымалі ў Міністэрстве інфармацыі Рэспублікі Беларусь. Пісьменніка пазнаёмілі з кнігарняй «Светач», што знаходзіцца ў цэнтры беларускай сталіцы. М. Далгаполаў падпісаў пакупнікам кнігі, па гутарыў з кіраўніцтвам ААТ «Белкніга» і кні гарні «Светач».
— Ніколькі не горшая ў вас кнігарня за маскоўскія аўтарытэтныя, знакамітыя і су часныя, — заўважыў Мікалай Міхайлавіч. — Мне прыемна, што ў Мінску ёсць чытач у маіх кніг. І зараз трымаю ў памяці свой прыезд у Беларусь у лютым 2019 года на Мінскую міжнародную выстаўку-кірмаш. Тады мяне ўразіла колькасць людзей, якія прыйшлі на сустрэчу са мною.
У найбліжэйшы час у Мінску пабачыць свет перавыданне кнігі М. Далгаполава пра Героя Савецкага Саюза Надзею Васільеўну Траян. Раней кніга выходзіла ў «Маладой гвардыі» ў серыі «Жыццё знакамітых людзей». Першая прэзентацыя новага выдання адбудзецца ў Маскве на традыцыйнай кніжнай выстаўцы ў верасні 2019 года.
Нагадаем, што сярод герояў кніг Мікалая Далгаполава — і іншыя ўраджэнцы Беларусі: Міхаіл Мукасей, Іван Дзядзюля, Юрый Драздоў.
Кастусь ЛАДУЦЬКА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.