27 кастрычніка, аўторак

Вы тут

Дзясятае музычна-спартыўнае свята «Вялікая бард-рыбалка» чакае гасцей.


Дзясятае музычна-спартыўнае свята «Вялікая бард-рыбалка» чакае гасцей.

Фестываль пройдзе ў апошнія выхадныя ліпеня на Магілёўшчыне, на беразе Чыгірынскага вадасховішча ў пасёлку Грудзічына Быхаўскага раёна. Удзельнікамі яго стануць выканаўцы з розных краін свету: Беларусі, Расіі, Украіны, Польшчы, Чэхіі, Літвы, Эстоніі, Іспаніі, таксама, паводле слоў арт-дырэктара «Вялікай бард-рыбалкі» Вольгі Залескай, чакаюцца музыканты з ЗША.


«Вялікая бард-рыбалка» адбываецца штогод, пачынаючы з 2010-га, і паступова вырасла з міжрэгіянальнага творча-спартыўнага форуму да міжнароднага. Як падлічылі арганізатары, за ўсе гады правядзення тут выступілі аўтары-выканаўцы і калектывы з 14 краін свету, а паслухала і паглядзела канцэрты звыш 15 тысяч гасцей.

У праграме фэсту 2019 года — сольныя канцэрты і творчыя праекты папулярных выканаўцаў аўтарскай песні, джазавых і інструментальных ансамбляў, выступленне лаўрэатаў і пераможцаў розных гадоў конкурсу «З песняй па жыцці», конкурс «Гітара па крузе», а таксама ўжо традыцыйныя спаборніцтвы па спартыўнай рыбнай лоўлі, лазнева-аздараўленчая праграма, адкрыты турнір па пляжным валейболе, танцавальны марафон, конкурс «Каралева бард-рыбалкі» з майстрам беларускага фітнес-руху Наталляй Наважылавай, кубак па бегу і іншыя мерапрыемствы. Сярод навінак — музычная пляцоўка «Адэскі дворык», брэйн-рынг, кулінарныя шоу, майстар-класы і конкурсы пад кіраўніцтвам барда, пісьменніка, інтэлектуала і тэлевядучага Барыса Бурды. У адным з кулінарных спаборніцтваў, напрыклад, удзельнікам трэба будзе «сканструяваць» бутэрброд — з прадуктаў кампаній-партнёраў, а таксама з уласных, прычым фантазію і колькасць інгрэдыентаў ніхто не абмяжоўвае, але трэба ўкласціся ў час: 20 хвілін.

Квіткі на «Вялікую бард-рыбалку» коштам у 20 рублёў можна будзе набыць непасрэдна на месцы правядзення фестывалю. Акрамя таго, ахвотныя могуць загадзя арандаваць месца ў палатачным гарадку, паставіць сваю палатку на спецыяльна адведзеных пляцоўках альбо размясціцца ў навакольных аграсядзібах. Падрабязней з праграмай фэсту, картай праезду і ўмовамі рэгістрацыі і размяшчэння можна азнаёміцца на сайце мерапрыемства http://bard-rybalka.by.

Вікторыя ЦЕЛЯШУК

Загаловак у газеце: Пад гітару, каля вогнішча і з бутэрбродамі ад Барыса Бурды

Выбар рэдакцыі

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне.