Вы тут

Тры нагоды ўключыць тэлевізар


Фестываль

Калі ўбачыць «Славянскі базар у Віцебску» хочацца, а выбрацца ў Віцебск на наступным тыдні ніяк не атрымліваецца, засмучацца не варта. Значную частку фестывальных канцэртаў пакажуць тэлеканалы Белтэлерадыёкампаніі.

Так, цырымонію адкрыцця міжнароднага форуму мастацтваў 11 ліпеня пакажуць «Беларусь 1» і «Беларусь 24», не ўпускаючы ніводнага ўдзельніка — ад аксакалаў эстрады Валерыя Лявонцьева і гурта «Сябры» да сучасных трукачоў інструменталістаў, хору Свята-Елісавецінскага жаночага манастыра, артыстаў балета Людмілы Уланцавай і Эвена Капітэна, завадных барабаншчыкаў са школы Rассооn Bаtuсаdа і спецыяльных гасцей з Італіі, ЗША, Швецыі, Малдовы, Украіны, Чэхіі і Казахстана.

12 ліпеня ў прамой трансляцыі будзе паказаны канцэрт «Саюзная дзяржава запрашае...», прысвечаны 50-годдзю легендарнага ансамбля «Песняры» і 20-годдзю ўласна Саюзнай дзяржавы Беларусі і Расіі.

10—12 ліпеня «Беларусь 3» пакажа дзіцячы міжнародны конкурс «Віцебск-2019», ад першага выступлення да ўзнагароджання пераможцаў, а 13 і 14 ліпеня ў прамым эфіры выступяць удзельнікі конкурсу выканаўцаў эстраднай песні «Віцебск-2019» са славянскімі і сусветнымі хітамі — першыя прагучаць пад аркестр пад кіраўніцтвам маэстра Міхаіла Фінберга, другія — пад фанаграму «мінус 1». Нарэшце ўрачыстую цырымонію закрыцця тэлегледачы ўбачаць адначасова з публікай у Летнім амфітэатры 15 ліпеня — таксама на «Беларусь 1» і «Беларусь 24».

Акрамя таго, ужо з 8 ліпеня на «Беларусь 1» будуць выходзіць штодзённыя «Базарныя гісторыі» — квінтэсэнцыя культурных навін і ўражанняў. А пазней у эфір каналаў медыяхолдынга выйдуць канцэрты «Залаты хіт», «Шансон-ТБ — усе зоркі», праграма Ірыны Дарафеевай «Акрыляй» і Прэзідэнцкага аркестра Беларусі «Уверцюра да фестывалю: ад класікі да рока» і іншыя, якія запіша Генеральны прадзюсарскі цэнтр Белтэлерадыёкампаніі.


Юбілей

Да 70-годдзя вядомага савецкага і расійскага кінарэжысёра Паўла Лунгіна, якое здарыцца 12 ліпеня, тэлеканал «Культура» парадуе гледачоў падборкай фільмаў майстра.

У гэтым спісе, натуральна, не ўсе чатыры дзясяткі карцін, знятых рэжысёрам, а толькі маленькая частка, нібыта зрэз творчасці Лунгіна розных гадоў: «Таксі-блюз» (1990), з якім майстар атрымаў прыз Канскага фестывалю за найлепшую рэжысуру, «Вяселле» (2000), «Востраў» (2006), які прынёс Лунгіну некалькі прэстыжных расійскіх кінапрэмій, «Цар» (2009), «Дырыжор» (2012), а таксама дакументальная стужка «Маналогі кінарэжысёра». У апошняй рэжысёр, сцэнарыст, акцёр і прадзюсар распавядае не толькі пра атрыманыя ўзнагароды і ганаровыя званні, але пра творчыя і жыццёвыя прынцыпы і паказ у кожнай карціне «прачынання душы» чалавека...


Справе час

Як знайсці падпрацоўку на адзін дзень — калі вы раптоўна трапілі пад скарачэнне, альбо тэрмінова патрэбныя грошы, альбо часова не маеце магчымасці працаваць пастаянна? Адказ на гэта пытанне шукаюць і, што характэрна, знаходзяць стваральнікі праграмы «Паляванне на работу», якая выходзіць на канале «МІР».

Масажыст, фотамадэль і фатограф, работнік сферы грамадскага харчавання... Кожны тыдзень па нядзелях вядучыя на ўласным вопыце пераконваюцца, у чым плюсы і мінусы розных відаў разавых падпрацовак, на якія падводныя камяні можна наступіць па няведанні, і на якую суму заробку можна разлічваць пры свабодным рабочым графіку. «Зарабляем лёгка і з радасцю!» — заклікаюць тэлевізійнікі. Наколькі гэта атрымліваецца — глядзіце самі.

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.