Вы тут

У Гродне адкрылі абласную Дошку гонару


Праект нетыповы. Яго распрацавалі прафесійныя архітэктары інстытута «Гроднаграмадзянпраект». Новы аб'ект можна аднесці да малой архітэктурнай формы. Ён прадстаўлены выявай карты рэгіёна з каляровым гербам і вялікім авалам, на якім размешчаны назвы найлепшых раёнаў, арганізацый, а таксама прозвішчы ганаровых жыхароў.


Лаўрэатамі прэміі «Чалавек года Гродзеншчыны» сталі прадстаўнікі самых розных прафесій, актыўныя грамадскія дзеячы.

— Мы на кожную намінацыю адбіраем да дзясятка кандыдатаў, узважваем усе водгукі, уважліва адсочваем вынікі. Ацэньваецца не толькі праца чалавека як прафесіянала, але і яго ўнёсак у грамадскае жыццё, — падкрэсліў падчас цырымоніі старшыня Гродзенскага аблвыканкама Уладзімір Краўцоў.

Сярод раёнаў найлепшымі па выніках абласнога спаборніцтва прызнаны горад Гродна, Гродзенскі, Мастоўскі, Ашмянскі і Смаргонскі раёны. Кожны адметны сваімі дасягненнямі ў адным з кірункаў — прамысловасці, будаўніцтве, сферы гандлю, сацыяльна-культурным развіцці. Таксама на Дошку гонару занесена 20 арганізацый і размешчана 20 партрэтаў жыхароў Гродзеншчыны, якія дасягнулі поспехаў у працы, службе, творчасці, вучобе і спорце. Сярод іх — пераможца конкурсу «Настаўнік года Рэспублікі Беларусь» Юлія Касталомава з Ваўкавыска, пераможца конкурсу «Урач года Рэспублікі Беларусь» Эла Рында з Ліды, народны майстар Беларусі Станіслава Міхно з Воранаўскага раёна.

Так, напрыклад, Гродзенскі раён прадстаўлены трыма прафесіяналамі, якім прысуджана званне «Чалавек года Гродзеншчыны». Сярод лаўрэатаў — участковы Уладзімір Бахмач, які летась быў прызнаны найлепшым у вобласці па выніках конкурсу прафесійнага майстэрства. У ліку пераможцаў — СВК «Свіслач» Гродзенскага раёна, дзе атрымліваюць самыя высокія ў рэспубліцы ўраджаі і надоі малака. Адзначаны поспехі прамысловых прадпрыемстваў, медыцынскіх і культурных устаноў, прыватных кампаній, грамадскіх арганізацый.

Многіх прадстаўнікоў рэгіёна можна ўбачыць на рэспубліканскай Дошцы гонару ў цэнтры сталіцы, але сваёй пляцоўкі для ўшанавання лепшых у вобласці доўгі час не было. Адметна, што Дошка гонару Гродзеншчыны размешчана каля адноўленай абласной філармоніі. Будынак доўгі час праходзіў рэканструкцыю і быў урачыста адкрыты месяц таму. Цяпер тут гатовы праводзіць любыя мерапрыемствы на самым высокім узроўні. На найбуйнейшай у рэгіёне канцэртнай пляцоўцы прайшоў і вялікі канцэрт, прысвечаны 75-й гадавіне вызвалення Беларусі. Ён адбыўся адразу пасля ўрачыстага адкрыцця Дошкі гонару з удзелам ветэранаў і кіраўніцтва рэгіёна.

Маргарыта Ушкевіч, фота «Гродзенская праўда»

Загаловак у газеце: Манумент для дастойных

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.