Вы тут

Нас чакае ад плюс 16 да плюс 23 градусаў і ападкі


Няўстойлівае, халаднаватае і ветранае надвор'е з кароткачасовымі дажджамі і навальніцамі чакаецца ў нашай краіне ў выхадныя, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. А ў найбліжэйшыя дні ў Беларусі ўмовы надвор'я будуць вызначаць атмасферныя франты і халодныя паветраныя масы.


Сёння ўдзень атмасферны фронт абумовіць на большай частцы тэрыторыі кароткачасовыя дажджы. У некаторых раёнах прагрымяць навальніцы. Раніцай і ўдзень у многіх раёнах краіны чакаецца моцны парывісты вецер, у сувязі з чым аб'яўлены аранжавы ўзровень небяспекі. Максімальная тэмпература паветра складзе ў асноўным 13—19 цяпла, толькі па поўдні краіны паветра прагрэецца да плюс 23 градусаў. Надвор'е ў суботу будзе вызначаць прахалодная няўстойлівая паветраная маса балтыйскага паходжання. Месцамі, пераважна па паўночным усходзе, пройдуць кароткачасовыя дажджы, удзень у некаторых раёнах магчымы навальніцы. Захаваецца парывісты вецер. Тэмпература паветра ўначы складзе 6—12 градусаў вышэй за нуль. Удзень будзе ў асноўным ад плюс 17 да плюс 23 градусаў, у паўночна-ўсходніх раёнах краіны — не вышэй за 14—16 цяпла. У нядзелю атмасферны фронт абумовіць на большай частцы тэрыторыі кароткачасовыя дажджы, у некаторых раёнах магчымыя навальніцы. Тэмпература паветра ўначы складзе 8—15 цяпла, днём будзе ад плюс 14 градусаў па поўначы да 25 градусаў па поўдні краіны.

Паводле папярэдніх прагнозаў айчынных сіноптыкаў, у пачатку наступнага тыдня захаваецца няўстойлівае халаднаватае надвор'е. Уначы месцамі, удзень на большай частцы тэрыторыі краіны чакаюцца кароткачасовыя дажджы. У некаторых раёнах магчымыя навальніцы. Тэмпература паветра ўначы складзе 6—13 цяпла, удзень — ад плюс 16 да плюс 23 градусаў.

Сяргей КУРКАЧ

Загаловак у газеце: Вецер ірве правады

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.