Вы тут

​На магіле тэатральнай артысткі Тамары Узунавай паваліўся помнік


На магіле тэатральнай артысткі і ветэрана вайны Тамары Узунавай паваліўся помнік, але вярнуць яго на месца няма каму. У рэдакцыю «Звязды» звярнулася вядомы тэатральны крытык Таццяна Арлова і расказала, што ўжо паўтара года на помнік «скідваюць смецце з навакольных багатых магіл», а звароты да Акадэміі мастацтваў, дзе шмат гадоў выкладала артыстка, і Купалаўскага тэатра, дзе яна выступала, аказаліся дарэмнымі.


Тамара Узунава (1906—1983) працавала ў балетных трупах Беларускага дзяржаўнага тэатра (сёння Купалаўскі тэатр) і Беларускага тэатра оперы і балета, шмат гадоў выкладала ў Беларускім тэатральна-мастацкім інстытуце (сёння Акадэмія мастацтваў). «Як многія артысты балета, — піша Таццяна Арлова, — яна была адзінокім чалавекам, без сям'і і сваякоў. Тамара Узунава сябравала з маёй маці. Калі памерла, яе на Паўночных могілках (участак № 43) пахаваў інстытут, а праз год я за асабістыя сродкі паставіла ёй гранітны помнік. Амаль сорак гадоў я даглядала магілу, а паўтара года таму помнік паваліўся».

Па словах Таццяны Дзмітрыеўны, па дапамогу яна звярталася да дэкана тэатральнага факультэта Акадэміі мастацтваў Уладзіміра Мішчанчука і нават перадавала ў рукі фотаздымкі магілы ў сённяшнім стане, якія той папрасіў, але праблема не была вырашана. Тады па электроннай
пошце спадарыня Арлова напісала рэктару Акадэміі Міхаілу Баразне, але і гэта, як і перамовы з артыстамі-купалаўцамі, не атрымала водгуку. Зрэшты, у адказ на пытанне рэдакцыі «Звязда» атрымала афіцыйную інфармацыю за подпісам спадара Баразны, у якой паведамляецца, што з 2017 года на адрас Акадэміі мастацтваў зваротаў ад Таццяны Арловай не паступала.

«Старэйшае пакаленне артыстаў усё яшчэ памятае Тамару Узунаву. Падчас вайны яна працавала ў франтавых брыгадах. Яе ўзнагароды пасля пахавання засталіся ў Тэатральна-мастацкім інстытуце», — гаворыцца ў лісце Таццяны Арловай.

На магіле артысткі неабходна ўсяго толькі падняць помнік і замацаваць яго на аснове.

Загаловак у газеце: Хто падніме помнік артыстцы?

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.