Вы тут

Прайшла II міжнародная навуковая канферэнцыя па безракетнай індустрыялізацыі космасу


Як і першая, што адбылася яшчэ ў 1988 годзе, яна сабрала пад Мінскам шмат гасцей — навукоўцаў, практыкаў, вынаходнікаў з дзясяткаў краін свету. Бо за апошні час тэма стала яшчэ больш актуальнай.


Неабходнасць маштабнай індустрыялізацыі космасу абумоўлена глабальнымі экалагічнымі (і не толькі) праблемамі, з якімі сутыкнулася чалавецтва. Удзельнікі канстатавалі: у біясферы Зямлі адбываюцца негатыўныя змены, выкліканыя дзейнасцю сучаснай тэхнакратычнай цывілізацыі. Калі не прыняць дзейных мер, наступствы будуць незваротныя.

Рашэнне прапанаваў асноўны дакладчык — беларускі інжынер і вынаходнік Анатоль Юніцкі, член Федэрацыі касманаўтыкі СССР, стваральнік тэхналогіі струннага транспарту, да якой сёння праяўляюць цікавасць у дзясятках краін. У тым ліку ў Аб'яднаных Арабскіх Эміратах, дзе праект уключаны ў стратэгію інфраструктурнага развіцця.

Ён расказаў аб сваёй касмічнай праграме SpaceWay, сутнасць якой заключаецца ў тым, каб вынесці ўсю шкодную вытворчасць на арбіту Зямлі і пачаць індустрыялізацыю космасу. Але традыцыйныя метады для рашэння гэтай задачы не падыходзяць. «Ракетны транспарт, што існуе сёння, наносіць велізарную шкоду экалогіі і эканамічна не эфектыўны. У індустрыялізацыі космасу вырашальную ролю павінен адыграць геакасмічны транспарт новага пакалення», — падкрэсліў Анатоль Юніцкі.

Юніцкі прадставіў праект агульнапланетарнага транспартнага сродку (АТС) — геакасмічны транспарт будучага, які будзе выгадна адрознівацца ад сучасных ракетных рашэнняў высокай хуткасцю, экалагічнасцю (працуе на электрычнасці) і эфектыўнасцю. У перспектыве АТС — а гэта гіганцкі геакасмічны лятальны апарат, што ахопіць планету ў плоскасці экватара, — зможа забяспечваць штогадовы грузапаток у мільёны і нават мільярды тон паміж Зямлёй і арбітай. Пры гэтым затраты на такое перамяшчэнне складуць менш як тысячу долараў за тону. А чалавецтва атрымае доступ да практычна ідэальных умоў для тэхналагічных працэсаў на арбіце: бязважкасць, вакуум, неабмежаваныя сыравінныя, энергетычныя і прасторавыя рэсурсы.

Непадробную цікавасць удзельнікаў і гасцей выклікалі даклады «Апісанне канструктыўных элементаў астраінжынернай транспартнай сістэмы SpaceWay», «Асаблівасці праектавання жылога касмічнага кластара «ЭкаКасмаДом», «Асаблівасці міжнароднага бізнес-супрацоўніцтва ў рамках праграмы SpaceWay» і іншыя.

Ажыццяўленне праекта — звышамбіцыйная задача, рашэнне якой запатрабуе цеснага ўзаемадзеяння паміж краінамі свету, урадамі і міжнароднымі арганізацыямі, адзначалася на канферэнцыі. Па яе выніках будзе выдадзены зборнік навуковых прац. Наступная, трэцяя канферэнцыя па праблемах безракетнага асваення космасу, адбудзецца налета, таксама ў Беларусі.

Ул. інф.

Загаловак у газеце: У космас без... ракет

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.