Вы тут

Трэцяга ліпеня ў краіне нарадзіліся 189 беларусаў


За апошнія пяць гадоў у Беларусі колькасць шматдзетных сям'яў павялічылася з 78 тысяч да 110 тысяч з лішкам, паведаміў міністр аховы здароўя Уладзімір КАРАНІК падчас акцыі «Белая Русь» — з любоўю да дзяцей».


Фота БелТА.

«Гэта тэндэнцыя сапраўды вельмі радуе, таму што чым часцей у грамадстве чуваць дзіцячы смех, тым святлейшая будучыня гэтага грамадства», — выказаў упэўненасць міністр. Маладым мамам ён пажадаў, каб усе сустрэчы з медыцынскімі работнікамі былі толькі планавыя. І запрасіў яшчэ не раз наведаць РНПЦ «Маці і дзіця» з добрай нагоды — тым больш, што цэнтр чакаюць перамены.

Па словах Уладзіміра Караніка, у цэнтры плануецца ўмацаваць матэрыяльна-тэхнічную базу. Частка абсталявання будзе закупленая ўжо сёлета, на гэты і наступны гады намечаны распрацоўка праекта і пачатак рэканструкцыі рэанімацыйнага аддзялення, сёмага і восьмага карпусоў цэнтральнага стэрылізацыйнага аддзялення.

Кіраўнік Адміністрацыі Прэзідэнта Наталля КАЧАНАВА адзначыла, што цудоўна сустрэцца з маладымі мамамі, у якіх у жыцці адбылася сапраўды радасная падзея, з пажаданнямі ўсяго самага добрага ім і дзеткам, каб раслі здаровыя, моцныя, былі сапраўднымі беларусамі. «Гэта свята не толькі для жанчын, якія нарадзілі для сябе такое шчасце, але і для ўсіх нас, бо хочацца, каб нас, беларусаў, было як мага больш. Дзяржава робіць усё, каб падтрымаць сям'ю», — звярнулася да жанчын Наталля Качанава.

У РНПЦ «Маці і дзіця» таксама завіталі павіншаваць мам заслужаная артыстка Беларусі Ірына ДАРАФЕЕВА і старшыня РГА «Белая Русь», член Савета Рэспублікі Нацыянальнага сходу Генадзь ДАВЫДЗЬКА.

Акцыя «Белая Русь» — з любоўю да дзяцей» праводзіцца з 2009 года. Ужо больш за тры тысячы мам па ўсёй краіне атрымалі падарункі ў гонар Дня Незалежнасці. Сёлета маладых матуль і нованароджаных па ўсёй краіне віншавалі члены ўрада, дэпутаты Палаты прадстаўнікоў, кіраўнікі адміністрацый раёнаў, лідары арганізацыйных структур «Белай Русі».

У «Маці і дзіцяці» парадзіхі асабліва падзякавалі прадстаўнікам улады за праграму «Сямейны капітал» і папрасілі, каб яе прадоўжылі. Наталля Качанава нагадала, што Прэзідэнт працягнуў праграму на пяць гадоў, ёсць прапановы па карыстанні сродкамі.

«Таму ўсё будзе добра», — запэўніла кіраўнік Адміністрацыі Прэзідэнта.

«Абавязваемся выхаваць годных грамадзян Рэспублікі Беларусь», — заўсміхаліся маладыя мамы.

Варвара МАРОЗАВА

Загаловак у газеце: Нашчадкі незалежнасці

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.