Чачэнска-беларускія літаратурныя і гуманітарныя сувязі абмеркавалі ў Літаратурным музеі Янкі Купалы.
Міністэрства інфармацыі Рэспублікі Беларусь, выдавецтва «Мастацкая літаратура» і Літаратурны музей Янкі Купалы правялі круглы стол «Беларуска-чачэнскія гуманітарныя і літаратурныя адносіны». У Дом Купалы, акрамя беларускіх пісьменнікаў, журналістаў, прыйшлі госці з Грознага: памочнік кіраўніка Чачэнскай Рэспублікі, дырэктар Чачэнскай дзяржаўнай тэлерадыёкампаніі «Грозны» Ахмед Дудаеў, першы намеснік і намеснік дырэктара тэлерадыёкампаніі «Грозны» Ільман Вахідаў і Тамерлан Дайніеў, а таксама памочнік дырэктара Арбі Дакшукаеў.
Размова невыпадкова ішла ў Купалаўскім музеі. Яшчэ раней гэты асяродак літаратурнай памяці наведваў чачэнскі паэт Адам Ахматукаеў. А зараз ён перадаў часопіс «Гоч» з «беларускім выпускам», дзе ёсць і старонкі паэзіі Я. Купалы ў яго перакладзе на чачэнскую мову. Дарэчы, Адам Ахматукаеў даслаў і сваё прывітанне кругламу сталу. З беларускага боку ўдзел у размове ўзялі дырэктар выдавецтва «Мастацкая літаратура» Алесь Бадак, намеснік дырэктара гэтага выдавецтва паэт Віктар Шніп, адказны сакратар часопіса «Полымя» Юлія Алейчанка, галоўны рэдактар часопіса «Маладосць» Святлана Воцінава, радыёжурналіст і паэт Навум Гальпяровіч, дырэктар Літаратурнага музея Янкі Купалы Алена Ляшковіч.
Мікола БЕРЛЕЖ
Канцэрт для дзяцей і моладзі, пластычны спектакль Ягора Дружыніна і «Рок-панарама».