03 снежня, чацвер

Вы тут

Дні моладзі пройдуць на "Славянскім базары ў Віцебску" 12 і 13 ліпеня


У гэтыя дні маладзёжныя пляцоўкі размесцяцца каля канцэртнай залы "Віцебск" і Летняга амфітэатра. Традыцыйна будзе задзейнічана і плошча Перамогі.


Старт Дням моладзі дасць адкрыты дыялог "Супрацоўніцтва і сяброўства моладзі Саюзнай дзяржавы". Упершыню ў праграму свята ўключаны маладзёжны інтэлектуальны open-air "Кветкі Вялікай Перамогі", прымеркаваны да 75-годдзя вызвалення Беларусі ад нямецка-фашысцкіх захопнікаў. Інтэлектуальныя баталіі ўключаюць шэраг спаборніцтваў, сярод якіх "Свая гульня" і "Што? Дзе? Калі?". Яны аб'яднаюць 14 каманд з усіх рэгіёнаў Беларусі. Па выніках агульнага заліку чатыры найлепшыя каманды прымуць удзел у гульні "Квадрыга", дзе і разыграюць галоўны прыз open-air. Першы дзень свята завершыць фестываль кавер-бэндаў.

Афіцыйнае адкрыццё Дзён моладзі адбудзецца ў другі дзень на галоўнай сцэне плошчы Перамогі (у 11.00). Яму будзе папярэднічаць #маладзёжны забег.

13 ліпеня пройдзе фестываль аўтагуку "@dB Drag Racing2" (плошча Перамогі, пачатак у 12.00). Каля сарака аматараў гуку і рову магутных матораў з Беларусі, Расіі і Латвіі пакажуць палепшаныя версіі сваіх машын з самым магутным гукам і высвятляць паміж сабой самага гучнага.

Маладзёжны спартыўны варкаут-турнір  "Наша сіла - 2019" аб'яднае падлеткаў  з усіх рэгіёнаў Беларусі. Ён пройдзе на спецыяльна абсталяванай пляцоўцы ў дзвюх намінацыях "Абсалютны фрыстайл" (у дадзенай намінацыі могуць быць прадстаўлены ўсе стылі і напрамкі варкаута, а журы вызначае найлепшае выступленне ў цэлым, а не стыль або тэхнічнае выкананне) і "Дваебор'е" (выкананне практыкаванняў з дадатковай вагой: падцягванне з гірай 16 кг, адцісканні на брусах - з гірай 24 кг). Тут жа, каля летняга Амфітэатра, у "скейтпарку" адбудзецца адкрыты чэмпіянат "Belarus skateboard challenge 2019" у дысцыпліне "Street" у групах "Юніёры" (удзельнікі да 18 гадоў) і, "Мужчыны" (удзельнікі ад 18 гадоў ).

Таксама арганізатары Дзён моладзі запрашаюць на музычны фестываль "Саюз моладзі". Ён пройдзе на пляцоўцы каля канцэртнай залы "Віцебск" з удзелам кавер-бэндаў, вакальна-інструментальных ансамбляў і груп, якія прадстаўляюць рэгіёны Беларусі, Мінск і Санкт-Пецярбург. Пачатак у 21.00. Завершыць свята моладзі выступенне папулярных беларускіх гуртоў "Адчуванне палёту", "NaviBand" і "Без квітка".

Арганізатарам свята маладосці выступае Беларускі рэспубліканскі саюз моладзі.

Надзея НІКАЛАЕВА

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.