Вы тут

Базельскі ўніверсітэт апублікаваў унікальны папірус эпохі ранняга хрысціянства


Напісаны на кавалку папірусу ў пачатку трэцяга стагоддзя нашай эры ліст, выяўлены ў калекцыі Базельскага ўніверсітэта, стаў навуковай сенсацыяй. Навукоўцы высветлілі, што гаворка ідзе пра ўнікальны гістарычны дакумент, які пралівае святло на побыт і сямейныя адносіны часоў ранняга хрысціянства.


"Гэты ліст адносіцца да 230-х гадоў нашай эры, і, значыць, ён старэйшы за ўсе іншыя раней вядомыя хрысціянскія дакументы эпохі рымскага Егіпта", - адзначае Базельскі ўніверсітэт на сваім сайце, распавядаючы аб адкрыцці. Жыццё ранніх хрысціянаў у Рымскай імперыі нярэдка ўяўляюць як вельмі цяжкае з-за пераследаў. Аднак змест паслання (дакумент пад грыфам P.Bas. 2.43), якое адправіў у тыя далёкія часы жыхар Егіпта Арыянус свайму брату Паулусу, цалкам абвяргае такі падыход. З папірусу вынікае, што хрысціяне жылі, у прыватнасці, ва ўнутранай частцы гэтай рымскай правінцыі, дзе займалі кіруючыя пазіцыі і не адрозніваліся па вобразу свайго штодзённага жыцця ад суайчыннікаў-язычнікаў.

Навукоўцы прыйшлі да высновы, што пасланне напісана хрысціянінам, таму што ў канцы тэксту Арыянус жадае брату дабрадзенстве "ў Госпадзе". Як лічаць эксперты, аўтар ліста выкарыстоўвае кароткую форму хрысціянскага выслоўя: "Я малюся, каб ты атрымаў поспех у Госпадзе".

Выбар рэдакцыі

Грамадства

Арэнда жылля. Хоць «мядзведжы кут», абы з выгодамі і пральнай машынай

Арэнда жылля. Хоць «мядзведжы кут», абы з выгодамі і пральнай машынай

Гэтая вясной многія хацелі самаізалявацца на прыродзе.

Грамадства

Дарогамі Славы. Кулямётчык і мінамётчык

Дарогамі Славы. Кулямётчык і мінамётчык

З сапраўднымі легендамі мінулай вайны Паўлам Рубісам і Віктарам Вятошкіным мне пашчасціла сустрэцца ў майскія дні восемдзесят дзявятага года.