Вы тут

Расійская Прэзідэнцкая бібліятэка стварыла калекцыю «Памяць аб Вялікай Перамозе»


Сучасныя тэхналогіі дапамагаюць вяртаць імёны, знаходзіць звесткі пра блізкіх, якія прапалі ў гады Вялікай Айчыннай вайны, збіраць даследчыкам інфармацыю пра падзеі таго часу. Сёння, каб папрацаваць з ваеннымі дакументамі, якія захоўваюцца ў Расіі, зусім не абавязкова ехаць да суседзяў.


Расійская Прэзідэнцкая бібліятэка, якая размяшчаецца ў Санкт-Пецярбургу, прапануе пазнаёміцца з унікальнымі дакументамі, фатаграфіямі, відэаматэрыяламі, што распавядаюць пра другую сусветную вайну, на партале арганізацыі ў калекцыі «Памяць аб Вялікай Перамозе». У электронную калекцыю ўключаны афіцыйныя дакументы, фота і кінахроніка, газеты ваеннага часу, кнігі, біяграфіі, сведчанні ўдзельнікаў баявых падзей, іх дакументы. У тым ліку тут можна знайсці дакументы, якія расказваюць пра аперацыю «Баграціён».

22 чэрвеня 1944 года Чырвоная Армія правяла разведку боем, а на наступны дзень пачалася знакамітая аперацыя. Пра тое, што адбывалася ў тыя дні, сведчаць звесткі Савецкага інфармбюро, зборнік якіх даступны на вышэйзгаданым партале. Ужо 27 чэрвеня 1944 года паведамлялася: «Паўднёва-заходней горада Віцебск нашы войскі завяршылі ліквідацыю акружанай групоўкі праціўніка... З прычыны адчайнага супраціўлення большая частка акружаных нямецкіх войскаў была перабітая нашымі войскамі; пры гэтым праціўнік пакінуў на полі боя больш за 20 000 трупаў. Рэшткі гэтых дывізій прынялі ультыматум Савецкага камандавання аб капітуляцыі, скончылі супраціўленне і склалі зброю. Па папярэдніх даных, здалося ў палон звыш 10 000 нямецкіх салдат і афіцэраў».

Шмат зводак ішло пра дзейнасць партызанаў, так Саўінфармбюро паведамляла: «Некалькі партызанскіх атрадаў, якія дзейнічаюць у Баранавіцкай вобласці, у маі пусцілі пад адхон 27 нямецкіх воінскіх эшалонаў і ўзарвалі звыш 1000 рэек. Разбіта 25 паравозаў, 52 вагоны з войскамі і 120 вагонаў і платформаў з рознымі ваеннымі грузамі. Партызаны ўзарвалі 10 шасэйных мастоў і выразалі 19 кіламетраў тэлеграфна-тэлефоннай лініі сувязі. У баях з нямецкімі захопнікамі забіта 800 і паранена больш за 700 гітлераўцаў».

Таксама на партале можна знайсці лічбавыя копіі партызанскіх газет і даведацца з іх, якую работу вялі партызаны, каб не дазволіць ворагу, які адступаў, ператварыць беларускія землі ў пустыню. Па ўсёй тэрыторыі краіны ствараліся лясныя лагеры для мірных жыхароў, якія ахоўваліся партызанамі, таксама лясныя салдаты стараліся ўберагчы вёскі ад спаленняў, не дазволіць сагнаць людзей на прымусовыя работы ў Германію, вялі агітацыйную работу сярод насельніцтва.

Падрыхтавала Алена ДЗЯДЗЮЛЯ

Загаловак у газеце: Саўінфармбюро анлайн

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.