Вы тут

Чарчэнне будуць вывучаць у дзясятым класе


З 1 верасня беларускія дзевяцікласнікі змогуць вывучаць асобныя прадметы на павышаным узроўні. Раней такая магчымасць была толькі ў навучэнцаў 8, 10 і 11 класаў.


У тыпавых вучэбных планах агульнай сярэдняй адукацыі на 2019/2020 навучальны год змянілася колькасць гадзін на вывучэнне асобных вучэбных прадметаў у 9 класе. Як тлумачаць у галоўным адукацыйным ведамстве, абноўленыя навучальныя праграмы ўкараняюцца ў адукацыйны працэс паэтапна пачынаючы з 2015/2016 навучальнага года. У 2019/2020 навучальным годзе па новых праграмах будуць вучыцца дзевяцікласнікі, такім чынам абнаўленне зместу адукацыі на І і ІІ ступенях (з 1-га па 9 клас) завершыцца.

Усе новаўвядзенні закліканы спрасціць змест адукацыі і прывесці яго ў адпаведнасць з узроставымі пазнавальнымі магчымасцямі школьнікаў.

Навучальныя праграмы для дзевяцікласнікаў зведалі практычна тыя ж змены, што і праграмы для 5—8 класаў. Па-першае, адбылося пераразмеркаванне вучэбнага матэрыялу. Частка найбольш складанага (па фізіцы, хіміі) перанесена ў 10 і 11 класы. Быў выключаны найбольш складаны вучэбны матэрыял, які не мае практычнай значнасці для выпускнікоў дзявятага класа, скарочаны пералік абавязковых для засваення паняццяў. Рэалізаваныя міжпрадметныя сувязі, каб, напрыклад, пры вывучэнні фізікі школьнікі маглі абапірацца на веды па матэматыцы. Павялічаны час, які выдзяляецца на паўтарэнне і замацаванне вывучанага матэрыялу і рашэнне задач па матэматыцы.

Разам з тым у 9 клас з 10-га было перанесена вывучэнне геаграфіі Беларусі. Асобныя тэмы па фізіцы, наадварот, перанеслі ў 9 клас з 7-га. Напрыклад, па фізіцы з праграмы для 7 класа ў праграму для 9-га перанесены простыя механізмы, закон Архімеда, а таксама некаторыя лабараторныя работы. У першым паўгоддзі вывучэнню фізікі прысвячаюцца тры гадзіны ў тыдзень.

А вось вывучэнне прадмета «Чарчэнне» было вырашана перанесці ў 10 клас (ён будзе вывучацца ў дзясятым класе пачынаючы з 2020/2021 навучальнага года).

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.