Вы тут

«Вясёлка на шаўковым шляху»


Шоу пад такой назвай стала прыемным сюрпрызам «Славянскаму базару ў Віцебску» ад кітайскіх цыркачоў. Падрыхтоўчая праца вялася з мінулага года. У рэалізацыі праекта вельмі паспрыяў беларускі пасол у Кітаі Кірыл Руды, за што яму вельмі дзякуюць усе арганізатары і ўдзельнікі шоу. 


Фота fest-sbv.by

Сёння артысты з Паднябеснай дораць фестывальнаму гораду феерыю эмоцый, якія ў памяці застануцца надоўга. Нездарма гавораць, што, калі адзін раз убачыш кітайскі цырк, абавязкова захочацца зрабіць гэта зноў і не раз. 

Прадстаўнікі калектыву тлумачыць, што прыехалі ў Віцебск, каб у першую чаргу пабудаваць культурны мост і паспрыяць культурнаму абмену. Магчымасць выступіць на фестывалі дазволіць вывесці на новы ўзровень дыялог паміж Беларуссю і Кітаем. Гэта магчымасць яшчэ больш узмацніць сяброўства паміж краінамі. 

У выніку гараджане і госці Віцебска маюць магчымасць убачыць выступленне ўнікальнага акрабатычнага мастацкага калектыву, які гастраляваў больш чым у 40 краінах, у тым ліку і ў Афрыцы. 

Намеснік галоўнага назіральніка Упраўлення культуры і турызму правінцыі Шаньсі Мэн Баомінь падзякаваў беларусам за гасціннасць і клопат. Журналістам ён прызнаўся, што звярнуўся па дапамогу да медыкаў. І быў прыемна здзіўлены ўвагай і высокім прафесіяналізмам, аператыўнай дапамогай людзей у белых халатах. 
Унікальныя дэкарацыі, фантастычныя трукі, яскравае светлавое афармленне — усё гэта варта таго, каб чакаць артыстаў з Кітаю зноў. Дарэчы, плануецца зрабіць выступленні кітайскіх майстроў мастацтваў розных жанраў на «Славянскім базары ў Віцебску» традыцыйным. 

Акрамя цыркавога прадстаўлення, кітайская дэлегацыя паказала ў Віцебску традыцыйныя народныя рамёствы і ўнікальныя мастацкія вырабы: сычуаньскую двухбаковую вышыўку, адмысловыя карціны, якія робяцца іголкай па дрэве, капілкі-знакі ўсходняга гараскопу, срэбраныя ўпрыгажэнні.

Аляксандр ПУКШАНСКІ

Фота Ганны ЗАНКАВІЧ і БЕЛТА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.