Вы тут

Што паказваюць у Віцебску лялечныя тэатры


Калі б на фестывалі маглі замяраць узровень прыемных эмоцый на квадратны метр, «базарны» праект «Лялечны квартал», безумоўна, стаў бы лідарам. І сёлета гэта тэрыторыя, дзе заўсёды прыемна можна правесці час у сямейным крузе.


Спектакль «Беларускага тэатра «Лялька», прысвечаны Марку Шагалу

Дарэчы, летась тут паставілі рэкорд: гасцінны гаспадар «Беларускі тэатр «Лялька» арганізаваў парад, у якім прадставіў 114 персанажаў з 16 спектакляў. Усяго ў рэпертуары дзясяткі спектакляў, дарэчы, сярод іх і для дарослых. І па добрай традыцыі купіць білет на спектаклі — вялікая праблема. А ў фестывальныя дні часцей за ўсё немагчыма.

«Лялечны квартал» — фестываль тэатраў лялек. Ён штогод праходзіць падчас Міжнароднага фестывалю мастацтваў «Славянскі базар у Віцебску», пачынаючы з 2014 года.

У межах «Лялечнага квартала» гледачы і ўдзельнікі маюць магчымасць пабачыць як спектаклі для дзяцей і дарослых на сцэне «Беларускага тэатра «Лялька», так і разнастайныя вулічныя пастаноўкі і перформансы. Да ўдзелу запрашаюцца найцікавейшыя калектывы лялечнікаў з краін блізкага і далёкага замежжа, здатныя спалучаць традыцыі з плённымі пошукамі ў рэчышчы сучаснага мастацтва.

Сёлета ў Віцебск прыехалі артысты з Расіі, Украіны. І , канешне, беларусам з розных тэатраў ёсць заўсёды што паказаць, здзівіць не толькі гледачоў, але і калег.

Адметнасцю цяперашняга «Лялечнага квартала» стала відовішчная вулічная забаўляльная праграма «Прыручыць дракона». Да 15 ліпеня яе можна ўбачыць пасля кожнага спектакля для дзяцей, паказанага на сцэне тэатра. Праграму падрыхтавалі ўзорны ансамбль танца «Ягаза» (кіраўнік — Ганна Федчанка), студэнты Беларускай акадэміі мастацтваў: Васіль Дашкевіч, Яўгенія Балакірава, Уладзіслаў Шабан, а таксама гукарэжысёры «Беларускага тэатра «Лялька» Яўген Рыжкоў і Андрэй Пухавой.

Праект можна перайменаваць у «Лялечны партал». Артысты ўмудраюцца ў стагоддзе інтэрнэту і высокіх тэхналогій захапіць увагу людзей розных узростаў, каб перанесці іх у краіну дзяцінства.

Мова лялек не патрабуе перакладу, таму вельмі сімвалічна, што фестываль ў фестывалі становіцца ўсё больш папулярным і запатрабаваным.

Аляксандр ПУКШАНСКІ

Фота аўтара

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.