Вы тут

Расказваем, аб чым серыял «Хто, калі не мы»


У канцы чэрвеня адбылася прэм'ера беларускага сацыяльнага рэаліці-серыяла «Хто, калі не мы». Кожная серыя падымае пэўныя праблемы людзей з абмежаванымі магчымасцямі ў нашай краіне і расказвае, як іх вырашаць. Першая была прысвечана інвалідам-калясачнікам, другая — невідушчым людзям. Прэзентацыя другой серыі прайшла на мінулым тыдні.


— Серыял расказвае пра тое, як можна спрасціць жыццё людзей з інваліднасцю ў Беларусі, — распачаў ініцыятар праекта Аляксандр АЎДЗЕВІЧ. — Напрыклад, з яго вы даведаецеся, як, згодна з законам, пабудаваць пандус у сябе ў пад'ездзе ці ў якім-небудзь грамадскім месцы.

Адметнасць серыяла яшчэ і ў тым, што ўсе складаныя пытанні падымаюцца ў розных камічных сітуацыях. Таму яго можна з гонарам называць першым беларускім сіткамам.

— Спачатку мы проста хацелі расказаць аб тым, як людзі з абмежаванымі магчымасцямі вырашаюць рознага кшталту праблемы. Але ўсё гэта падалося нам вельмі сумным, і мы вырашылі надаць серыялу камедыйнасці, каб прыцягнуць агульную публіку, а пасля ўжо расказваць пра важныя рэчы. У нас ёсць сцэнарыст, які і выдумляе смешныя гісторыі для герояў, — расказвае Аляксандр.

Галоўнымі героямі серыяла з'яўляюцца сябры, якія пераехалі жыць у Мінск і сутыкаюцца з рознымі перашкодамі. У першай серыі сюжэт выбудоўваўся вакол гераіні, якую сыграла Аляксандра Чычыкава, пераможца «Міс свету на інваліднай калясцы — 2017», у другой — вакол хлопца з сіндромам Даўна. Аўтары выводзяць людзей з інваліднасцю ў статус герояў, а магчыма нават і зорак.

— Наша задача ў тым, каб людзі не толькі пасмяяліся падчас прагляду серыяла, але і задумаліся аб тым, што яны могуць з гэтай праблемай зрабіць і куды пайсці. Каб яна вырашылася не праз год, а зараз і тут, — дзеліцца ініцыятар праекта. Дарэчы, другую серыю ўжо зараз можна паглядзець на ютуб-канале іnvaLІFE.

Хочацца верыць, што серыял сапраўды дасягне вялікай папулярнасці, а пасля яго прагляду грамадства задумаецца аб тым, як дапамагчы людзям з абмежаванымі магчымасцямі. Бо хто, калі не мы?

Маргарыта ГАЙДАРЖЫ, студэнтка ІV курса факультэта журналістыкі БДУ

Загаловак у газеце: Хто, калі не мы?

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.